புதுச்சேரி: சட்டப்பேரவையில் ஆகஸ்ட் 26ஆம் தேதி ஆளுநர் உரை நடைபெறவுள்ளது. இந்நிலையில் புதுச்சேரி முதலமைச்சர் ரங்கசாமி இன்று (ஆக.24) ஆளுநர் மாளிகையில் துணை நிலை ஆளுநர் தமிழிசை சௌந்தரராஜனை மரியாதை நிமித்தமாக சந்தித்தார்.
பின்னர் செய்தியாளர்களிடம் தமிழிசை சௌந்தரராஜன் கூறுகையில், "முதலமைச்சர் ரங்கசாமி பட்ஜெட் கூட்டத்தொடரில் ஆளுநர் உரை நிகழ்த்த அழைப்பு விடுத்தார். புதுச்சேரியில் ஆகஸ்ட் 26ஆம் தேதி தமிழில் ஆளுநர் உரை நிகழ்த்த உள்ளேன். தெலங்கானாவில் தமிழில் ஆளுநர் உரை நிகழ்த்த முடியவில்லை.
தமிழில் ஆளுநர் உரை
ஆனால், புதுச்சேரி சட்டப்பேரவையில் முதன்முதலில் ஆளுநர் உரையை தமிழில் நிகழ்த்த உள்ளது சரித்திர முக்கியத்துவம் வாய்ந்தது. இது எனக்கு பெரும் மகிழ்ச்சி அளிக்கிறது.
கரோனா தடுப்பூசி
புதுச்சேரியில் திரையரங்குகள், மால்கள் தமிழ்நாட்டை காட்டிலும் முன்கூட்டியே திறக்கப்பட்டன. ஏனென்றால் புதுச்சேரியில் தடுப்பூசி 50 விழுக்காடு போடப்பட்டுள்ளது. இதற்காக சுகாதாரத் துறைக்கு பாராட்டுகளை தெரிவித்துக் கொள்கிறேன் என்றார்.
இதையும் படிங்க: சென்னையில் ஆக.26ஆம் தேதி மநீம ஆலோசனைக் கூட்டம்!
