புதுச்சேரி: உத்தரப் பிரதேசத்தில் உள்ள லக்கிம்பூர், பன்வீர்பூர் கிராமத்தில் நேற்று (அக்.3) விவசாயிகள் நடத்திய போராட்டத்தில் கலவரம் ஏற்பட்டது. இதில் 4 விவசாயிகள் உள்பட 8 பேர் மற்றும் பத்திரிகையாளர் ஒருவரும் உயிரிழந்துள்ளனர்.
இந்நிலையில் லக்கிம்பூர் வன்முறையில் உயிரிழந்த விவசாயிகளின் குடும்பத்தினரைச் சந்திக்க பன்வீர்பூர் கிராமத்திற்கு இன்று (அக்.4) அதிகாலை சென்ற பிரியங்கா காந்தி கைது செய்யப்பட்டார்.
பிரியங்கா காந்தி கைது
இதனைத்தொடர்ந்து பிரியங்கா காந்தி கைது செய்யப்பட்டதைக் கண்டித்து புதுச்சேரி முன்னாள் முதலமைச்சர் நாராயணசாமி தலைமையில் காங்கிரஸ் கட்சியினர் 100க்கும் மேற்பட்டோர் காங்கிரஸ் தலைமை அலுவலகத்திலிருந்து ஊர்வலமாகப் புறப்பட்டு அண்ணா சாலைக்கு வந்து சாலை மறியல் போராட்டத்தில் ஈடுபட்டனர்.
