டெல்லி: பிரதமர் நரேந்திர மோடி ஜனவரி 3ஆம் தேதி முதல் 15 -18 வயதுக்குட்பட்ட சிறார்களுக்கு கரோனா தடுப்பூசி செலுத்தும்பணி தொடங்கப்படும் என்று தெரிவித்தார். இதைத்தொடர்ந்து, பாரத் பயோடெக் நிறுவனம் தயாரித்துள்ள, சிறார்களுக்கான கோவாக்சின் தடுப்பூசிக்கு அனுமதி வழங்கப்பட்டது.
இதுகுறித்து பாரத் பயோடெக் நிறுவனம் வெளியிட்டுள்ள செய்திக்குறிப்பில், 2 முதல் 18 வயதுக்குட்பட்ட சிறார்களிடம் கோவாக்சின் தடுப்பூசி ஆய்வு வெற்றிகரமாக நடத்தப்பட்டது. சிறார்களுக்கு ரத்தம் உறைதல், வீக்கம் உள்பட எவ்வித பக்கவிளைவுகளும் ஏற்படவில்லை. அதன்படி இரண்டாம், மூன்றாம் கட்ட ஆய்வுகளின் முடிவில், சிறார்களுக்கு கோவாக்சின் தடுப்பூசி பாதுகாப்பானது என்பது உறுதியாகியுள்ளது எனத் தெரிவிக்கப்பட்டது.
இந்த நிலையில், இன்று முதல் சிறார்களுக்கு கரோனா தடுப்பூசி முன்பதிவு தொடங்கி உள்ளது. Cowin இணையதளத்தில் ஆதார், பாஸ்போர்ட், பள்ளி அடையாள அட்டை பயன்படுத்தி முன்பதிவு செய்யலாம் எனத் தெரிவிக்கப்பட்டுள்ளது.
இதையும் படிங்க: நான்காவது டோஸ் தடுப்பூசி செலுத்தும் முதல் நாடு
