பெரோஸ்பூர்: பஞ்சாபில் உள்ள பெரோஸ்பூர் மாவட்டம் இந்திய எல்லையில் உள்ளது. இங்கு இந்தியப் பாதுகாப்புப் படையின் முகாம் உள்ளது, நேற்று இரவு பாகிஸ்தான் திசையிலிருந்து உளவு பார்க்கும் ட்ரோன் கேமரா ஒன்று வந்துள்ளது. இதனைக் கைப்பற்றிய எல்லைப் பாதுகாப்புப் படையினர் உடனடியாகச் செயலிழக்கச் செய்தனர்.
இந்த ட்ரோன் கேமரா குறைந்த உயரத்தில் பறந்துவந்துள்ளது. இதனால் பாதுகாப்புப் படையினரால் எளிதாகக் கைப்பற்றப்பட்டது. மேலும் இது பாதுகாப்புப் படையின் உயர் அலுவலர்களுக்குத் தெரிவிக்கப்பட்டது, பாகிஸ்தானின் உளவு வேலையாக இருக்கலாம் எனச் சந்தேகிக்கப்படுகிறது. அந்தக் கோணத்திலும் விசாரணை நடந்துவருகிறது.
அடிக்கடி வரும் ட்ரோன்
இது போன்ற ட்ரோன்கள் அடிக்கடி இந்திய எல்லைக்குள் வருவதாகக் கூறப்படுகிறது. இந்நிலையில் ட்ரோன் சிக்கியது இதுவே முதன்முறையாகும்.
இதையும் படிங்க: மரணத்தை பலமுறை தோற்கடித்த வருண் சிங் உடல் ராணுவ மரியாதையுடன் தகனம்
