மேற்கு வங்கத்தில் குடியரசுத் தலைவர் ஆட்சி அமைக்க பாஜக கோரிக்கை

சிலிகுரியில் காவல் துறையினருக்கும் பாஜகவினருக்கும் இடையே ஏற்பட்ட தள்ளுமுள்ளில் பாஜக ஆதரவாளர் ஒருவர் இறந்ததையடுத்து மேற்கு வங்கத்தில் குடியரசுத்தலைவர் ஆட்சியை பாஜக கோரியுள்ளது.

மேற்கு வங்க மாநிலம் சிலிகுரி பகுதியில் பாஜக இளைஞரணி சார்பில் உத்தரகான்யா (டிச.7) என்ற பெயரில் ஆர்ப்பாட்டம் நடைபெற்றது. சம்பவ இடத்திற்கு வந்த காவல் துறையினர் ஆர்ப்பாட்டக்காரர்களை கலைக்க கண்ணீர் புகை குண்டு மற்றும் தண்ணீரை பீய்ச்சியடித்து கூட்டத்தை கலைத்தனர்.

அப்போது, பாஜகவினருக்கும் காவல் துறைக்கும் ஏற்பட்ட தள்ளமுள்ளில் 50 வயது முதியவர் உயிரிழந்தார். காவல் துறை தடுப்பை பாஜகவினர் உடைக்க முயன்றதால் வன்முறை வெடித்ததாகக் கூறப்படுகிறது. இந்த வன்முறையில் பாஜகவினர் 26 பேர் படுகாயமடைந்து மருத்துவமனையில் அனுமதிக்கப்பட்டுள்ளனர்.

சிலிகுரியில் ஏற்பட்ட வன்முறையில் ஒருவர் உயிரிழந்ததை காரணம் காட்டி, மேற்கு வங்கத்தில் குடியரசுத் தலைவர் ஆட்சி அமைக்க வேண்டும் என பாஜக கோரிக்கை விடுத்துள்ளது.

இதையும் படிங்க: சிலிகுரியில் நடந்த ஆர்ப்பாட்டத்தில் பாஜக உறுப்பினர் மரணம்!