நாட்டின் 11ஆவது பாதுகாப்பு கண்காட்சி உத்தரப் பிரதேசத்தின் லக்னோவில் நடந்துவருகிறது. இந்த பாதுகாப்பு கண்காட்சியை பிரதமர் நரேந்திர மோடி தொடங்கிவைத்தார்.
இந்த நிலையில் லக்னோவில் நடந்த கருத்தரங்கில் பாதுகாப்புத் துறை அமைச்சர் ராஜ்நாத் சிங் கூறும்போது, “ராணுவ தளவாடங்கள் உற்பத்தி ஏற்றுமதியில் இந்தியா 5 டிரில்லியன் அமெரிக்க டாலர் வளர்ச்சியை எட்டும். அடுத்த பத்து ஆண்டுகளில் இந்தியா உலகின் மிகப்பெரிய பொருளாதார நாடுகள் பட்டியலில் முதல் மூன்று இடங்களில் இருக்கும். அதில் உத்தரப் பிரதேச மாநிலத்தின் பங்கு அளப்பரியதாக இருக்கும்” என்றார்.
ராஜ்நாத் சிங் இந்த உரையின்போது மாநில முதலமைச்சர் யோகி ஆதித்யநாத்தையும் பாராட்டி பேசினார். லக்னோ பாதுகாப்பு கண்காட்சியில் 38 நாடுகளை சேர்ந்த பாதுகாப்பு அமைச்சர்கள் கலந்துகொண்டனர். உள்நாட்டு ஹெலிகாப்டர் உள்ளிட்ட இயந்திரங்கள் காட்சிப்படுத்தப்பட்டுள்ள இந்தக் கண்காட்சியில் , 10278 நிறுவனங்கள் பங்கேற்றுள்ளன.
இதையும் படிங்க: ராணுவத் தளவாட ஏற்றுமதி 5 பில்லியன் டாலராக அதிகரிக்கப்படும்: பிரதமர் நரேந்திர மோடி
