2017ஆம் ஆண்டு தனக்கு 17 வயதாக இருந்தபோது முன்னாள் பாஜக சட்டபேரவை உறுப்பினரான குல்தீப் சிங் செங்கார், தன்னை பாலியல் வன்புணர்வு செய்ததாக சிறுமி ஒருவர் புகாரளித்தார். இந்த வழக்கு தொடர்பான விசாரணை டெல்லி நீதிமன்றத்தில் நடைபெற்றது.
சிபிஐ தனது தரப்பு வாதங்களை திங்கள்கிழமையுடன் முடித்துக்கொண்டது. பெரும் அதிர்வலையை ஏற்படுத்தியிருந்த இந்த வழக்கில் வரும் 16ஆம் தேதி தீர்ப்பு வெளியிடப்படும் என்று தற்போது அறிவிக்கப்பட்டுள்ளது.
இந்த வழக்கு தொடர்பான விசாரணை நடைபெற்றுக்கொண்டிருந்தபோதே பாதிக்கப்பட்ட சிறுமி விபத்தில் சிக்கினார். இந்த விபத்தில் அவரது இரண்டு அத்தைகள் (சாட்சிகள்) உயிரிழந்தனர்.
இதையும் படிங்க: தலைவர்களை விடுதலை செய்வதில் மத்திய அரசின் தலையீடு இருக்காது - அமித் ஷா
