ஜம்மு-காஷ்மீர் யூனியன் குல்கம் மாவட்டத்தில் புதன்கிழமை மாலை இந்த துப்பாக்கிச் சூடு சம்பவம் நடந்துள்ளது.
அங்குள்ள தம்பால் காஞ்ச்புரா பகுதியொன்றில் பொதுமக்கள் கூடி நின்றுள்ளனர். அப்போது கைகளில் துப்பாக்கியுடன் வந்த பயங்கரவாதிகள் என சந்தேகிக்கப்படும் நபர்கள் அப்பகுதியில் நின்றிருந்த பொதுமக்களை நோக்கி துப்பாக்கியால் சுட்டனர்.
இதில் அங்கிருந்த குலாம் ஹாசன் மற்றும் தீரஞ் தீன் அஹமது ஆகியோர் பலத்த காயமுற்றனர். அவர்களை அங்கிருந்தவர்கள் மீட்டு மருத்துவமனைக்கு கொண்டு சென்றனர்.
எனினும் செல்லும் வழியிலேயே இருவரும் உயிரிழந்தனர். இந்த துப்பாக்கிச் சூடு சம்பவம் தொடர்பாக காவலர்கள் வழக்குப்பதிவு செய்து விசாரணை நடத்தி வருகின்றனர்.
இதையும் படிங்க: டெல்லி இஸ்லாமிய மதக் கூட்டத்தில் பங்கேற்ற மூவர் உயிரிழப்பு!
