தப்லீகி ஜமாத் விவகாரத்தில் சில ஊடகங்களின் இரட்டை செயல்பாடு குறித்து சொசைட்டி ஆஃப் பாலிசி ஸ்டடீஸ் அமைப்பின் இயக்குனர் சி. உதய் பாஸ்கர் எழுதிய சிறப்புக் கட்டுரையின் தமிழாக்கம் இதோ...
கரோனா வைரஸ் பெருந்தொற்று ஏப்ரல் மாத தொடக்கத்தில் இந்தியாவில் தீவிரமாக பரவத் தொடங்கிய சூழலில் இந்திய ஊடகங்களின் செயல்பாடுகள் சமூகத்தில் பிளவை ஏற்படுத்தும் தொனியில் இருந்தது.
1927ஆம் ஆண்டு தொடங்கப்பட்ட தப்லீகி ஜமாத் என்ற இஸ்லாமிய மத அமைப்பு, கடந்த மார்ச் மாத மத்தியில் பல்வேறு நாடுகளிலிருந்து வந்த பிரதிநிதிதளைக் கொண்டு டெல்லி நிஜாமுதீன் மசூதியில் மாநாடு ஒன்றை நடத்தியது. கவனக்குறைவால் ஏற்பட்ட இந்த பொறுப்பற்ற செயல்பாட்டின் மூலம் இந்தியாவில் கரோனா தொற்று எண்ணிக்கை தீவிரமைடையும் அச்சம் இதன் மூலம் எழத்தொடங்கியது.
இதையடுத்து நாடுமுழுவதும் மார்ச் இறுதியிலிருந்து ஏப்ரல் தொடக்கம்வரை தப்லீகி ஜமாத் மாநாட்டில் பங்கேற்ற நபர்கள் அவர்களுடன் தொடர்பில் இருந்தவர்களை தேடிக் கண்டுபிடிக்கும் பணி நடைபெற்றது. இந்த விவகாரத்திற்கு மதச்சாயம் பூசி சில ஊடகங்கள் தவறான கட்டமைப்பை மேற்கொள்ளத் தொடங்கின.
ஏற்கனவே இந்தாண்டு தொடக்கத்தில் நடைபெற்ற குடியுரிமை திருத்தச்சட்ட போராட்டத்தில் இதுபோன்ற மதம் சார்ந்த வெறுப்புணர்வை தூண்டும் விதத்தில் ஒரு சில ஊடக குழுக்கள் செயல்பட்டன.
இதன் தொடர்ச்சியாகவே சில காட்சி ஊடகங்கள் வைரஸ் பரவலுக்கு மத கண்ணோட்டத்தை அளித்து, அதற்கு தப்லீகி வைரஸ், கரோனா ஜிஹாத் என்ற பெயர்களை எல்லாம் வைத்தன. சமூக வலைத்தளம் மூலம் நடத்தப்பட்ட இந்த வெறுப்பு பிரச்சாரத்தில், இந்த வைரஸ் வுஹானில் அல்ல நிசாமுதீனில் தான் தொடங்கியது என்ற அளவிற்கு பரப்புரைகள் மேற்கொள்ளப்பட்டன.
இதுபோன்ற பொய் செய்திகளும் பரப்புரைகளும் எந்தவித அடிப்படை அர்தமும் இல்லை என்று தெரிந்தும் தொடர்ச்சியாக சமூக வலைத்தளத்தில் பரப்பப்பட்டு இஸ்லாமிய சமூகத்தின் மீது தவறான பார்வை முன்வைத்தது. மேற்கண்ட நிஜாமுதீன் சம்பவத்தைக் கொண்டு ஒட்டுமொத்த இந்திய இஸ்லாமிய சமூகத்தின் மீதும் தவறான எண்ணத்தை விதைக்கும் நோக்கில் ஒரு குறிப்பட ஊடகக் குழு செயல்பட்டதற்கு பலரும் தங்கள் கண்டனத்தை தெரிவித்தனர்.
தப்லீகி விவகாரம் என்பது பொது சுகாதாரப் பேரிடரின் போது நடைபெற்ற அத்துமீறல் நடவடிக்கையாகும். கட்டுப்பாடுகள் விதிக்கப்பட்ட நேரத்தில் இதுபோன்று ஒரு இடத்தில் ஆயிரக்கணக்கான நபர்கள் குழுமியது சட்ட விரோதமான செயல். இதற்காக தப்லீகி தலைவர் மவுலான் சாத் மீது இபிகோ 304 சட்டப்பிரிவின் வழக்கு தொடக்கப்பட்டுள்ளது.
தப்லீகி விவகாரம் நடைபெற்ற நேரத்தில் இந்தியாவில் பல்வேறு அரசியல் மற்றும் இந்து மத நடவடிக்கைகளும் நடைபெற்றன. மத்திய பிரதேசத்தில் ஆட்சி மாற்ற நடவடிக்கை, லக்னோவில் ராம நவமி கொண்டாட்டம், கர்நாடகத்தில் ஜதாரா பண்டிகை கொண்டாட்டம் என பல நிகழ்வுகள் நடைபெற்றன.
பொது சுகாதார விவகாரமான கோவிட்-19 சிக்கல், மதம், தேசம், இனம், பொருளாதாரம் ஆகியவற்றுக்கு தக்க செயல்படுவதில்லை. தப்லீகி கூட்டத்தை விட ஈஸ்டர் பண்டிக்கைக்கு கூடும் கூட்டம் குறைவான தாக்கத்தை ஒன்றும் ஏற்படுத்தப்போவதில்லை. ஆனால் வருந்தத்தக்க வகையில் ஒரு சில ஊடகத்தரப்பு உண்மைக்கு புறம்பான பொய் பரப்புரைகளை தேச பக்தி என்ற பெயரிலும், தேச நலன் என்ற பெயரிலும் வெறுப்புணர்வுகளை விதைக்கப் பயன்படுத்திவருகின்றன.
சொல்லபோனால் சகிப்பின்மை, கோபத்தை உருவாக்கும் தீவிர இந்துத்துவ கொள்கை வைரசை விட அபாயமானது. இந்துக்கள் பின்பற்றும் உண்மையான இந்து மத நம்பிக்கையல்ல இந்த இந்துத்துவா. இந்தியர்கள் இதுவரை ஒருநாளும் மதத் தீவிரவாதத்தில் ஈடுபட்டதில்லை.
தப்லீகி அமைப்பு இந்திய துணைக் கண்டத்தில் ஒரு அமைப்பாக திகழ்ந்தாலும், இஸ்லாமிய மிதவாதிகளே இந்த அமைப்பை பிரச்னை ஏற்படுத்தும் அமைப்பாக குறிப்பிடுகின்றன. இத்தகைய நேரத்தில் ஒரு சமூகத்தை மட்டும் பயங்கரவாதத்துடன் ஒப்பிட்டு வெறுப்பை விதைப்பது இந்தியாவை அபாயத்தின் பாதைக்குக் கொண்டு செல்வதாகும். போலிகளை முன்னெடுக்கும் ஊடகம் சமூகத்தை பிளக்கும் நோக்கில் செயல்படுவை. இதை புரிந்து கொண்டு இந்தியர்கள் கவனமாக செயல்படும் தருணமிது.
கட்டுரையாளர் சி. உதய் பாஸ்கர், இயக்குனர், சோசைட்டி ஆஃப் பாலிசி ஸ்டடீஸ்
இதையும் படிங்க: விவசாயிகளின் வாழ்க்கையில் திருப்பத்தை ஏற்படுத்திய கரோனா
