இந்திய நாடாளுமன்ற மக்களவைக்கு ஒவ்வொரு ஐந்து ஆண்டுகள் முடிவிலும் தேர்தல் நடத்தப்பட்டு பிரதிநிதிகள், அமைச்சர்கள், பிரதமர் உள்ளிட்டோர் தேர்ந்தெடுக்கப்படுகின்றனர்.
1971ஆம் ஆண்டு நடந்த தேசிய மக்கள் தொகை கணக்கெடுப்புக்கு பின்னர் நாடாளுமன்றத்தின் மக்களவைக்கு 543 தொகுதிகள் என பிரிக்கப்பட்டது. இது 1977ஆம் ஆண்டு முதல் தொடர்ந்து வருகிறது. 1971ஆம் ஆண்டு இந்தியாவில் 55 கோடி மக்கள் தொகை மட்டுமே இருந்தது. தற்போது நாட்டில் மக்கள் தொகை தோராயமாக 130 கோடிக்கும் மேலாக இருக்கலாம் என்று தகவல்கள் தெரிவிக்கின்றன.
அந்த வகையில் தேசிய மக்கள் தொகை கணக்கெடுப்புக்கு பின்னர், நாட்டின் மக்களவை நாடாளுமன்ற தொகுதிகள் அதிகரிக்கும் என தெரியவருகிறது. இதில் சாதகமும் பாதகமும் உள்ளது. ஏனெனில் மக்கள் தொகை கணக்கெடுப்பின்படி தொகுதிகள் பிரிக்கப்படுவதால் மக்களவை தொகுதிகளில் வடமாநிலங்கள் ஆதிக்கம் செலுத்துகின்றன.
தென் மாநிலங்களுக்கு போதிய பிரதிநிதித்துவம் கிடைக்கவில்லை. உதாரணமாக, தென்னிந்தியாவில் 130 மக்களவை இடங்கள் மட்டுமே உள்ளன. இதன் விளைவாக, இந்திய அரசியலில் வட இந்தியாவின் ஆதிக்கம் தெளிவாகத் தெரிகிறது.
இந்த நிலையில் 2011 மக்கள் தொகை கணக்கெடுப்புபடி மக்களவை தொகுதியை விரிவாக்கம் செய்தால், அது நிச்சயம் தென் மாநிலங்களை பாதிக்கும். இதுமட்மின்றி மக்களவையின் அளவை அதிகரிப்பது குறித்து மாறுபட்ட கருத்துகள் உள்ளன.
சாதகமான மற்றும் சாதகமற்ற காரணிகளை கவனமாக பரிசீலிக்க வேண்டும். மக்களவையின் வலிமையை அதிகரிப்பதற்கான உண்மையான காரணங்கள் தெளிவுபடுத்தப்பட வேண்டும். எந்தவொரு முடிவையும் கொண்டு செல்வதற்கு முன், தேசத்தின் பல்வேறு பிரிவுகளின் உரையாடலைக் கருத்தில் கொள்ள வேண்டும்.
உலகில் இங்கிலாந்து நாடாளுமன்றத்துக்கு 650 உறுப்பினர்களும், அமெரிக்காவில் 535 உறுப்பினர்களும், கனடாவில் 443 உறுப்பினர்களும் உள்ளனர் என்பது குறிப்பிடத்தக்கது.
இதையும் படிங்க : விமானத்தில் வந்த 645 இந்தியர்களுக்கு கொரோனா பாதிப்பு இல்லை: சுகாதாரத் துறை
