மாணவர் சேர்க்கை விவகாரம்: மருத்துவக் கவுன்சிலின் கோரிக்கையை ஏற்ற உச்ச நீதிமன்றம்

டெல்லி: கரோனா பாதிப்பு அதிகரித்து வரும் தற்போதையச் சூழலில் மருத்துவ படிப்பிற்கான சேர்க்கை தொடர்பாக, இந்திய மருத்துவக் கவுன்சில் முன்வைத்த கோரிக்கையை உச்ச நீதிமன்றம் ஏற்றுள்ளது.

வரும் கல்வியாண்டில் மருத்துவப் படிப்புக்கான மாணவர்கள் சேர்க்கை, அவர்களுக்கான கவுன்சிலிங் உள்ளிட்ட அன்றாட நடைமுறைகள் கரோனா பெருந்தொற்று காரணமாகப் பாதிப்பைச் சந்தித்துள்ளது. இதன் காரணமாக, எம்.பி.பி.எஸ் உள்ளிட்ட மருத்துவப் படிப்புகளின் நடைமுறை தொடர்பாக, இந்திய மருத்துவக் கவுன்சில் உச்ச நீதிமன்றத்தில் மனு ஒன்றைத் தாக்கல் செய்துள்ளது.

அதில், 'கரோனா பாதிப்புக் காரணமாக மருத்துவப் படிப்பிற்கான சேர்க்கை நடைமுறைகளுக்கான காலக்கெடு நீட்டிக்கப்பட வேண்டும். எனவே, எம்.பி.பி.எஸ் சேர்க்கைக்கான தேதியை மே 31ஆம் தேதியிலிருந்து ஆகஸ்ட் 31ஆம் தேதி வரையிலும், மற்ற சிறப்பு படிப்புகளுக்கான சேர்க்கைத் தேதியை மே 31ஆம் தேதியிலிருந்து ஜூலை 15ஆம் தேதி வரையிலும், முதுநிலை படிப்பிற்கான சேர்க்கைத் தேதியை மே 31ஆம் தேதியிலிருந்து ஜூலை 31ஆம் தேதி வரையிலும் நீட்டிக்க வேண்டும்' எனவும் மனுவில் குறிப்பிட்டிருந்தது.