புதுச்சேரி பிரெஞ்சு ஆதிக்கத்தில் இருந்து 1954ஆம் ஆண்டு நவம்பர் 1ஆம் தேதி விடுதலைப் பெற்றது. இந்நாளை விடுதலை நாள் விழாவாக கொண்டாடப்பட்டு வருகின்றனர். நவம்பர் 1ஆம் தேதி புதுச்சேரி விடுதலை நாளை முன்னிட்டு, புதுச்சேரி கடற்கரை சாலையில் உள்ள காந்தி சிலை அருகே இவ்விழா விமர்சையாக நடத்தப்பட்டது.
இதில் புதுச்சேரி முதலமைச்சர் நாராயணசாமி கலந்து கொண்டு தேசிய கொடியை ஏற்றினார். அதனை தொடர்ந்து, அவர் காவல் துறையின் அணிவகுப்பு மரியாதையை ஏற்றுக் கொண்டார். நிகழ்ச்சியில் பள்ளி மாணவ, மாணவிகளின் கலை நிகழ்ச்சிகள் நடைபெற்றது. இந்நிகழ்ச்சியில் சபாநாயகர் சிவக்கொழுந்து, துணை சபாநாயகர், அமைச்சர்கள், நாடாளுமன்ற உறுப்பினர் வைத்திலிங்கம், அரசு செயலர்கள் உள்பட பலர் கலந்து கொண்டனர்.
விழாவில் முதலமைச்சர் நாராயணசாமி உரையாற்றினார். அப்போது அவர் கூறுகையில், "புதுச்சேரி மாநகரில் ரூ.77 கோடி மதிப்பில் மேம்பாலங்கள் கட்டுவதற்கு நடவடிக்கை எடுக்கப்பட்டுள்ளது. மேலும் எத்தனை தடைகள் வந்தாலும் அவற்றைத் தகர்த்து மக்களுக்கு திட்டங்களை நிறைவேற்றுவோம்" என்றார்.
இதையும் படிங்க: புதுச்சேரி காமராஜ் நகர் சட்டப்பேரவை உறுப்பினராக ஜான் குமார் பதவியேற்பு
