சிறப்பு அந்தஸ்து ரத்துக்கு எதிரான வழக்குகள் 5 நீதிபதிகள் அமர்வுக்கு மாற்றம்!

டெல்லி: காஷ்மீர் சிறப்பு அந்தஸ்து ரத்துக்கு எதிரான வழக்குகளை 5 நீதிபதிகள் கொண்ட அரசியல் சாசன அமர்வு விசாரிக்கும் என உச்சநீதிமன்றம் தெரிவித்துள்ளது.

காஷ்மீருக்கு வழங்கி வந்த சிறப்பு அந்தஸ்து ரத்துக்கு எதிரான மனு இன்று விசாரணைக்கு வந்தது. இந்த மனுவை விசாரித்த நீதிபதிகள், காஷ்மீர் சிறப்பு அந்தஸ்து ரத்துக்கு எதிரான வழக்குகளை அக்டோபரில் உச்சநீதிமன்றம் விசாரிக்கும் என்றனர்.

மேலும், இந்த மனுக்கள் அனைத்தையும் 5 நீதிபதிகள் கொண்ட அரசியல் சாசன அமர்வுக்கு மாற்றம் செய்தும், சிறப்பு அந்தஸ்து ரத்து குறித்து மத்திய அரசு பதிலளிக்க நோட்டீஸ் அனுப்பவும் உத்தரவிட்டனர்.