புதுச்சேரியின் வில்லியனூர் திருக்காமேஸ்வரர் ஆலயத் திருவிழா நடைபெற்றுவருகிறது. இந்நிலையில் இன்று இந்த விழாவின் முக்கிய நிகழ்ச்சியான தேரோட்ட நிகழ்ச்சிக்கு ஏற்பாடு செய்யப்பட்டிருந்தது. இதில் கலந்துகொண்ட புதுச்சேரி முதலமைச்சர் நாராயணசாமி தேரை வடம்பிடித்து இழுத்து தேரோட்டத்தை தொடங்கிவைத்தார்.
அவருடன் பொதுப்பணித் துறை அமைச்சர் நமச்சிவாயம், சமூக நல அமைச்சர் கந்தசாமி, மக்களவை உறுப்பினர் வைத்திலிங்கம், சட்டப்பேரவை சபாநாயகர் சிவக்கொழுந்து, ஊசுடு தொகுதி சட்டப்பேரவை உறுப்பினர் உள்ளிட்டோர் கலந்துகொண்டனர்.
இந்த விழாவில் திரளாக பங்கேற்ற ஊர் பொதுமக்கள் உற்சாகமாக தேரை வடம்பிடித்து இழுத்துச் சென்றனர்.
