கரோனாவைக் கண்டறிய ‘4,000 ரேபிட் டெஸ்ட் கிட்’ - புதுச்சேரி சுகாதாரத் துறை அமைச்சர்

புதுச்சேரி: கரோனா வைரஸ் தொற்றை விரைவாகக் கண்டறிய ‘4,000 ரேபிட் டெஸ்ட் கிட்’ வந்துள்ளதாக சுகாதாரத் துறை அமைச்சர் மல்லாடி கிருஷ்ணாராவ் தெரிவித்தார்.

இதுகுறித்து அவர் செய்தியாளர்களிடம் பேசுகையில், "புதுச்சேரியில் ஆறு பேரும், மாஹே பகுதியில் இரண்டு பேரும் கரோனாவால் பாதிக்கப்பட்டனர். அதில் மாஹே பகுதியில் ஒருவர் குணமடைந்து மற்றொருவர் மரணமடைந்தார். புதுச்சேரியில் சிகிச்சை பெற்று வந்த ஆறு பேரில் ஏற்கனவே ஒருவர் குணமடைந்த நிலையில் மீதமுள்ள ஐந்து பேரில் இன்று ஒருவர் குணமடைந்து வீடு திரும்புகிறார். நான்கு பேர் மருத்துவமனையில் சிகிச்சையில் உள்ளனர்.

இந்நிலையில் தனிமைப்படுத்தப்பட்ட 1,184 பேரின் ரத்த மாதிரிகளைப் பரிசோதனை செய்ததில் 1,017 பேருக்கு கரோனா பாதிப்பு இல்லை என கண்டறியப்பட்டுள்ளது. மேலும் வீடு வீடாகச் சென்று மருத்துவர்கள் பொதுமக்களிடம் பரிசோதனை மேற்கொண்டு வருகின்றனர். இந்த பரிசோதனையானது இன்னும் மூன்று தினங்களில் முழுமையாக முடிவடையவுள்ளது.