தர்மசாலா: இமாச்சலப் பிரதேசத்தின் காங்க்ரா மாவட்டத்தில் அமைந்துள்ளது மஹாராணா பிரதாப் சாகர் ஏரி என்றழைக்கப்படும் பாங் அணை ஏரி. இங்கு குளிர்காலத்தில் ஆயிரக்கணக்கான புலம்பெயர்ந்த பறவைகள் திரண்டுவருவது வழக்கம். இதனால் பார்வையாளர்கள் பலரும் பெரும் மகிழ்ச்சியடைவர்.
இங்குள்ள அலுவலர்களின் கூற்றுப்படி, சுமார் 45 ஆயிரத்திற்கும் மேற்பட்ட புலம்பெயர்ந்த பறவைகள் பாங் நீர்த்தேக்கத்திற்கு தற்போது வந்துள்ளன. இந்தப் பறவைகள் அணைக்கு வரும் சுற்றுலாப் பயணிகளின் எண்ணிக்கையை அதிகரித்துள்ளன. இந்தப் பறவைகளின் எண்ணிக்கை டிசம்பர் மாதத்தில் அதிகரிக்கும் எனத் தெரிகிறது.
சைபீரியா, மத்திய ஆசியா, ரஷ்யாவிலிருந்து இந்தப் பறவைகள் குளிர்காலத்தில் ஈரநிலம் கொண்ட இடத்திற்குப் புலம்பெயருகின்றன. பின்னர் இவை மீண்டும் ஏப்ரல் மாதத்தில் வேறு இடத்திற்குப் புலம்பெயரும் பயணத்தை தொடங்குகின்றன. ருடிஷெல் வாத்து, காளைகள், பார்-தலை வாத்துக்கள் மற்றும் நூற்றுக்கணக்கான பறவை இனங்கள் நீர்த்தேக்கத்தில் தற்போது திரண்டுள்ளன.
"இந்தப் புலம்பெயர்ந்த பறவைகளின் பாதுகாப்பிற்காகப் போதுமான எண்ணிக்கையிலான பணியாளர்கள் நியமிக்கப்பட்டுள்ளனர். பணியாளர்கள் குழு புலம்பெயர் பறவைகள் வேட்டையாடப்படுவதைத் தொடர்ந்து கண்காணிக்கும்" என மூத்த வன அலுவலர் ஒருவர் கூறியுள்ளார்.
தலைமை வனப் பாதுகாவலர் உபாசனா பாட்டியல் கூறுகையில், "புலம்பெயர்ந்த பறவைகள் வேட்டையாடுவதைத் தவிர்ப்பதற்கு வனத் துறை போதுமான பாதுகாப்பு ஏற்பாடுகளைச் செய்துள்ளது. சிசிடிவி கேமராக்களும் நிறுவப்பட்டுள்ளன, மேலும் வேட்டையில் ஈடுபடும் நபர்கள் மீது கடுமையான நடவடிக்கை எடுக்கப்படும்.
கடந்த ஆண்டு சுமார் 1.15 லட்சம் புலம்பெயர்ந்த பறவைகள் பாங் அணை ஏரியில் திரண்டுள்ளன. இந்த ஆண்டு அதிக எண்ணிக்கையிலான பறவைகளை திரளும் என எதிர்பார்க்கப்படுகிறது" எனக் கூறினார்.
இதையும் படிங்க: கொடைக்கானலுக்கு படையெடுக்கும் மரங்கொத்தி பறவைகள்!
