நாட்டின் முதல் பிரதமரான நேருவின் 130ஆவது பிறந்தநாள் இன்று நாடு முழுவதும் கொண்டாடப்பட்டுவருகிறது.
அவரது பிறந்தநாளையொட்டி பிரணாப் முகர்ஜி, மன்மோகன் சிங், சோனியா உள்ளிட்ட தலைவர்கள் நேருவின் நினைவிடத்தில் மரியாதை செலுத்தினர்.
மேலும், காங்கிரஸ் கட்சியின் முன்னாள் தலைவர் ராகுல் காந்தி நேருவுக்கு மரியாதை செலுத்தும்விதமாக தனது ட்விட்டர் பக்கத்தில் பதிவொன்றை இட்டுள்ளார். அந்தப் பதிவில்,
- "நாட்டின் முதல் பிரதமரான பண்டிட் ஜவஹர்லால் நேருவின் பிறந்தநாளான இன்று அவரை நாம் அனைவரும் நினைவுகூருவோம். ஜவஹர்லால் நேரு ஒரு ராஜதந்திரி, தொலைநோக்குச் சிந்தனையாளர், அறிஞர், இந்தியா என்ற பல்கலைக்கழகத்தை கட்டமைத்தவர், நவீன இந்தியாவின் ஆகச்சிறந்த சிற்பிகளில் ஒருவர்" எனப் புகழாரம் சூட்டியுள்ளார்.
ஜவஹர்லால் நேரு
இவர் 1889 நவம்பர் 14ஆம் தேதி உத்தரப் பிரதேசத்தில் உள்ள பிரக்யாராஜில் (அன்றைய அலகாபாத்) பிறந்தார்.
சுதந்திர இந்தியாவின் முதல் பிரதமராக 1947 ஆகஸ்ட் 15ஆம் தேதி நேரு பதவியேற்றார். இவரின் பிறந்தநாள் ஆண்டுதோறும் குழந்தைகள் தினமாகக் கடைப்பிடிக்கப்பட்டுவருகிறது.
குழந்தைகளின் மாமா
இவர் சாச்சா நேரு என்ற பெயரால் அழைக்கப்படுகிறார். சாச்சா நேரு என்றால் மாமா நேரு என்று பொருள். குழந்தைகளுக்கு முக்கியத்துவம் அளிப்பதை வலியுறுத்தியவர். குழந்தைகள் மீது மிகுந்த அன்பு வைத்திருந்தவர்.
இதையும் படிங்க: ரோஜாவின் ராஜா நேருவின் பிறந்தநாள்
