புதுச்சேரி காமராஜ் நகர் இடைத்தேர்தலில் என்ஆர் காங்கிரஸ் சார்பில் புவனேஷ்வரன் தேர்ந்தெடுக்கப்பட்டார். இன்று உப்பளம் தேர்தல் அலுவலகத்தில் புவனேஷ்வரன் வேட்பு மனுதாக்கல் செய்தார்.
மேலும், அவருடன் முன்னாள் முதலமைச்சரும் என்ஆர் காங்கிரஸ் கட்சி நிறுவனருமான ரங்கசாமி, என்ஆர் காங்கிரஸ் பொதுச்செயலாளர் பாலன், அதிமுக சட்டமன்ற உறுப்பினர் அன்பழகன் உள்ளிட்டோர் சென்றனர்.
பின்னர் செய்தியாளர்களைச் சந்தித்த அதிமுக சட்டமன்ற உறுப்பினர் அன்பழகன்,
'காமராஜ் நகர் தொகுதியில், அதிமுக, என்ஆர் காங்கிரஸ், பாரதிய ஜனதாவின் கூட்டணி சார்பில் வேட்பாளர் புவனேஸ்வரன் போட்டியிடவுள்ளார். இக்கூட்டணி வெற்றி உறுதி செய்யப்பட்ட கூட்டணி. இத்தேர்தல் மூலம் காங்கிரஸிற்கு மக்கள் சரியான பாடம் புகட்டுவார்கள்' என்றார்.
இதையும் படிங்க:
புதுச்சேரி காமராஜர் நகர் தொகுதி இடைத்தேர்தல் - காங்கிரஸ் வேட்பாளர் அறிவிப்பு
