சண்டிகரில் உள்ள கிராம மற்றும் தொழில் துறை மேம்பாட்டு ஆராய்ச்சி மையத்தில் நடந்த குருநானக் தேவ் குறித்த சர்வதேச கருத்தரங்கில் முன்னாள் பிரதமர் மன்மோகன் சிங் கலந்துகொண்டார். அந்தக் கருத்தரங்கத்தில் அவர் பேசியதாவது:
மனித குல வரலாற்றின் வேறு எந்த காலத்தையும்விட சிந்தனை, செயலின் ஒற்றுமை இன்றைக்கு மிகவும் அவசரமானது. இன்றைய உலகம் வன்முறை, நிராகரிப்பால் சூழப்பட்டுள்ளது. சொந்த நிலத்திலிருந்து வெளியேற்றப்பட்ட மக்களுக்கு உதவிகளை வழங்க மனிதநேயம் தேவை. மத்திய கிழக்கில் உள்ள அகதிகள் மற்றும் அவர்களின் குழந்தைகளின் அழுகையை நாங்கள் கேட்கிறோம்.
பட்டியலினத்தவர்களின் அழுகையையும் சமூகம், பொருளாதாரத்தால் கைவிடப்பட்டவர்களின் அழுகையையும் நாங்கள் கேட்கிறோம். இயற்கை வளங்கள் தடையின்றி சுரண்டப்படுகிறது. ஆயுதங்களுக்காக ஒரு இனம் வளர்ந்துவருகிறது. ஏழைகள் தொடர்ந்து சுரண்டப்படுகின்றனர். இவையெல்லாம் நம் முன்னே உள்ள கடுமையான சவால்கள்.
இவையெல்லாம் அல்லாத உண்மை, பாலின சமத்துவம், சுற்றுச்சூழலைப் பாதுகாத்தல், உலகளாவிய பொறுப்பு ஆகியவற்றின் அடிப்படையில் சமூகத்தின் மாற்று மாதிரியை நாம் உருவாக்க வேண்டும். பணக்கார, வளர்ந்துவரும் நாடுகளில் சுற்றுச்சூழல் சீரழிந்து காணப்படுகிறது.
நாம் வாழும் இந்த கொந்தளிப்பான உலகில் நீடித்த அமைதிக்காக குரு கிரந்த் சாஹிபிடம் பிரார்த்திக்கிறேன். என் ஆண்டவரே, உமது கருணையையும் கிருபையையும் காட்டி இந்த உலகை காப்பாற்றுங்கள்.
இவ்வாறு பிரதமர் மன்மோகன் சிங் கூறினார்.
முன்னதாக மன்மோகன் சிங், சீக்கிய குரு குருநானக் தேவ் குறித்து பேசினார். அப்போது அவர், “குரு கிரந்த் சாஹிப்பில் உள்ள குரு நானக் தேவ் ஜியின் பாடல்கள், அந்த நேரத்தில் இந்தியா நாகரிக மோதல்களின் காலத்தை கடந்து வந்ததைக் காட்டுகிறது.
அமைதி மற்றும் அன்பின் காரணத்திற்காக ஞானிகளும் வெவ்வேறு மதங்களைச் சேர்ந்த பெண்களும் ஒன்றிணைந்தனர். இதன் விளைவாக பக்தி, சூஃபி இயக்கங்கள் உருவாகின. இரு இயக்கங்களும் சாதி, நிறம், மதங்களுக்கு அப்பாற்பட்டு அன்பு, அமைதி, கடவுள் பக்தி என்ற பெயரில் உருவாக்கப்பட்டவை.
குருநானக் சிறு வயதிலேயே ஏழைகள் மீதான தனது அக்கறையை வெளிப்படுத்தினார். அப்போது அவரின் தந்தை அவருக்கு ரூ.20ஐ கொடுத்தார். அந்தப் பணத்தில் பசியுள்ள குழந்தைகளுக்கு உணவு வழங்க லாங்கர் (அட்சயபாத்திரம் போன்ற அள்ள அள்ளக் குறையாத சமையற்கூடம்) ஏற்படுத்தினார். சுல்தான்பூர் லோதியில் உள்ள காளி பெயின் கரையில் குருவுக்கு ஞானம் கிடைத்தது.
குரு தனது அறிவொளிக்குப் பிறகு கூறிய முதல் சொல் 'நா கோய் இந்து, நா கோய் முசல்மான்'' (நான் இந்துவும் அல்ல, முஸ்லிமும் அல்ல). மனிதகுலத்தை ஒன்றிணைப்பதே அவரது நோக்கம் என்பதை இது தெளிவாகக் குறிக்கிறது.
குருவின் போதனைகளை பஞ்சாபி சொற்களில் எளிமையாகக் கூறலாம். அது, 'நாம் ஜப்னா, கிராத் கர்ணா', சக்னா (தியானம், கடினம் மற்றும் நேர்மையான உழைப்பு, ஒருவரின் வருவாயின் பலன்களை மற்றவர்களுடன் பகிர்ந்துகொள்வது)” என்றார்.
இதையும் படிங்க: பகத்சிங்கிற்கு பாரத ரத்னா வழங்க காங்கிரஸ் மணீஷ் திவாரி வலியுறுத்தல்!
