மக்களவைத் தேர்தலை முன்னிட்டு பல நடிகர்கள் அரசியல் கட்சியில் இணைந்து வருகின்றனர். இந்த வரிசையில் பிரபல தெலுங்கு நடிகர் மன்சு மோகன் பாபு ஒய்.எஸ்.ஆர். காங்கிரஸ் கட்சியில் இணைந்துள்ளார்.
ஒய்.எஸ்.ஆர். காங்கிரஸ் கட்சியின் தலைவர் ஜகன் மோகன் ரெட்டியை அவர் வீட்டில் சந்தித்து அவரது கட்சியில் தன்னை இணைத்துக் கொண்டார். மோகன் பாபு 500 படங்கள் மேல் நடித்தும், பல படங்களை தயாரித்தும் உள்ளார்.
2007 ஆம் ஆண்டு பத்மஸ்ரீ விருதை பெற்ற இவர், கல்வித்துறையில் பல சாதனைகளை நிகழ்த்தியுள்ளார். ஆந்திரா மற்றும் தெலங்கானாவில் பிரபலமான மன்சு மோகன் பாபு ஸ்ரீ வித்யாநிகேதன் கல்வி அறக்கட்டளையை சித்தூர் பகுதியில் நடத்தி வந்துள்ளார்.
மாநிலங்களவை உறுப்பினராக 1995 முதல் 2000 ஆண்டு வரை செயல்பட்டு வந்துள்ளார்.
