சிறப்பு அந்தஸ்து நீக்கப்பட்டது காஷ்மீர் விவசாயிகளுக்கு உதவும் - மத்திய அமைச்சர் தோமர்

போபால்: காஷ்மீருக்கு அளிக்கப்பட்டுவந்த சிறப்பு அந்தஸ்து நீக்கப்பட்டது, அம்மாநில விவசாயிகளுக்கு பெருமளவு உதவும் என மத்திய அமைச்சர் நரேந்திர சிங் தோமர் தெரிவித்துள்ளார்.

காஷ்மீருக்கு அளிக்கப்பட்டுவந்த சிறப்பு அந்தஸ்தை மத்திய அரசு நீக்கியது. இதுகுறித்து மத்திய அமைச்சர் நரேந்திர சிங் தோமர் கூறுகையில், "அரசியலமைப்பு சட்டம் 370 நீக்கப்பட்டுள்ளது. இதனால், ஜம்மு - காஷ்மீர் விவசாயிகள் நன்மையடைவார்கள். மத்திய அரசு உதவிகள் அவர்களுக்கு நேரடியாக கிடைக்க உள்ளது.

காஷ்மீரில் விவசாயத்தை ஊக்குவிப்பதற்காக மத்திய அரசால் வழங்கப்பட்ட நிதி சரியாக பயன்படுத்தப்படவில்லை. பிரதான் மந்திரி கிசான் யோஜனா மூலம் ஜம்மு - காஷ்மீர் விவசாயிகளுக்கு இனி ரூ. 6,000 வழங்கப்படும்" என்றார்.