மக்களவைத் தேர்தலுக்கு இரண்டு வாரங்களே உள்ள நிலையில் உத்தரப்பிரதேசம், அசாம் மாநிலங்களில் பரப்புரை செய்யும் நட்சத்திர பேச்சாளர்களை காங்கிரஸ் கட்சி அறிவித்துள்ளது.
40 நட்சத்திர பேச்சாளர்கள் கொண்ட பட்டியலில் முன்னாள் பிரதமர் மன்மோகன் சிங், காங்கிரஸ் தலைவர் ராகுல் காந்தி, உத்தரப்பிரதேச மாநிலத்தின் கிழக்குப்பகுதி காங்கிரஸ் பொதுச்செயலாளர் பிரியங்கா காந்தி, உத்தரப்பிரதேச மாநிலத்தின் மேற்குப்பகுதி காங்கிரஸ் பொதுச்செயலாளர் ஜோதி ராதித்யா சிந்தியா ஆகியோர் இடம் பெற்றுள்ளனர்.
காங்கிரஸ் மூத்த தலைவர்கள் அகமத் படேல், ஹரிஷ் ராவத், ராஜ் பாபர், முன்னாள் மத்திய அமைச்சர் குலாம் நபி ஆசாத், ராஜஸ்தான் முதலமைச்சர் அசோக் கெலாட்ஆகியோர் உத்தரப்பிரதேசம், அசாம் மாநிலங்களில் பரப்புரை செய்யவுள்ளனர்.
உத்தரப்பிரதேசத்தில் 2009 ஆம் ஆண்டு நடந்த தேர்தலில் காங்கிரஸ் கட்சி 21 தொகுதிகளில் வென்றது. இந்த முறையும் அதே போல் கணிசமான தொகுதிகளில் வெல்ல காங்கிரஸ் பல வியூகங்களை அமைத்து பரப்புரை செய்கிறது.
