‘வேறு யாரும் செல்லாத இடத்திற்கு செல்கிறோம்’ - கே.சிவன் தகவல்

பெங்களூரு: இஸ்ரோ தலைவர் கே.சிவன் 'வேறு யாரும் செல்லாத இடத்திற்கு நாம் செல்கிறோம்' என சந்திரயான் 2 நிலவில் தரையிறங்குவது குறித்துக் கூறியுள்ளார்.

சந்திரயான்-2 விண்கலத்தைக் கடந்த ஜூலை 22ஆம் தேதி இந்திய விண்வெளி ஆராய்ச்சி மையமான இஸ்ரோ விண்ணில் செலுத்தியது. இந்த விண்கலத்தில் உள்ள லேண்டர் நிலவில் நாளை அதிகாலையில் தரையிறங்க உள்ளது.

இதுகுறித்து பேசிய இஸ்ரோ தலைவர் கே.சிவன், இதுவரை வேறு எவரும் செல்லாத இடத்திற்கு நாம் செல்கிறோம் எனக் கூறியுள்ளார். மேலும், சந்திரயான்-2 விண்வெளியில் விக்ரம் லேண்டர் சரியான நேரத்தில் தரையிறங்கும் என்பதில் எங்களுக்கு மிகுந்த நம்பிக்கையுள்ளது. அதற்காக நாங்கள் இன்று இரவு வரை காத்திருக்கிறோம் என நம்பிக்கை தெரிவித்துள்ளார்.