அசாம் மாநிலம், கௌஹாத்தியை சேர்ந்த தம்பதியினருக்கு கடந்த 2012ஆம் ஆண்டு திருமணம் நடைபெற்றுள்ளது. திருமணம் செய்து கொண்ட சிறிது நாள்களுக்குள் இருவருக்கும் இடையே சண்டை ஏற்படத் தொடங்கியுள்ளது. இதனால், இருவரும் தனத்தனியே வாழ்ந்து வருகின்றனர்.
இந்நிலையில், பெண்ணின் கணவர் கெளஹாத்தி குடும்ப நல நீதிமன்றத்தில், தன் மனைவிக்கு தன்னுடன் வாழ விருப்பம் இல்லை என்றும், விவாகரத்து வழங்கக் கோரியும் வழக்கு ஒன்றைத் தொடர்ந்தார். ஆனால், நீதிபதிகள் அவ்வழக்கைத் தள்ளுபடி செய்தனர். இதனைத் தொடர்ந்து அவர் உயர் நீதிமன்றத்தில் மேல் முறையீடு செய்தார்.
வழக்கை விசாரித்த உயர் நீதிமன்ற நீதிபதிகள், "இந்து திருமணப் பழக்க வழக்கங்களான குங்குமம் வைப்பதும், வளையல் அணிவதும் முக்கியமானவை. ஆனால், அவற்றை வைக்கமாட்டேன் என அப்பெண் கூறுவது அவருக்கு திருமணத்தில் விருப்பம் இல்லாததை தெளிவாகக் குறிக்கிறது. இது மட்டுமின்றி சில ஆதாரமற்ற குற்றச்சாட்டுகளையும் அப்பெண் கணவர் மீது சுமத்தியுள்ளதையும் சுட்டிக்காட்டி அந்நபருக்கு விவாகரத்து வழங்கி வழக்கை முடித்து வைத்தனர்.
இதையும் படிங்க : முகக்கவசம் அணிய சொன்ன பெண் ஊழியரை மூர்க்கமாகத் தாக்கியவர் கைது!
