எல்லையில் நீடிக்கும் பதற்றம்: கல்வி நிலையங்கள் மூட உத்தரவு!

டெல்லி: இன்று காலை முதல் எல்லையில் பதற்றம் நீடித்து வருவதால், காஷ்மீர் பூஞ்ச் மாவட்டத்தில் உள்ள கல்வி நிலையங்கள் மூட அம்மாவட்ட நிர்வாகம் உத்தரவிட்டுள்ளது.

இந்தியா-பாகிஸ்தான் சர்வதேச எல்லைப்பகுதியில் இன்று காலையில் பாகிஸ்தானுக்கும், இந்திய பாதுகாப்புப் படையினருக்கும் இடையே துப்பாக்கிச்சூடு நடைபெற்றது. இதில் மூன்று பாகிஸ்தான் ராணுவ வீரர்கள் சுட்டுக் கொல்லப்பட்டனர்.

இதனையடுத்து தற்போது வரை எல்லையில் பதற்றம் நீடித்துவருகிறது. இதனால் ஜம்மு மற்று காஷ்மீரின் பூஞ்ச் மாவட்டத்தில் உள்ள எல்லைப்பகுதியிலிருந்து 5 கிலோ மீட்டர் தூரம் வரையுள்ள கல்வி நிறுவனங்களை மூடும்படி அம்மாவட்ட நிர்வாகம் அறிவித்துள்ளது.