டெல்லியின் ஷகார்பூர் பகுதியில் இன்று அதிகாலை, பணியிலிருந்த காவல் துறையினரை நோக்கி சிலர் துப்பாக்கிச் சூடு நடத்தியுள்ளனர். நிலைமையை கட்டுக்குள் கொண்டு வந்த காவல் துறையினர், 5 பேரை கைது செய்தனர். கைது செய்யப்பட்டவர்களில் இருவர் பஞ்சாப்பையும், மூன்று பேர் காஷ்மீரையும் சேர்ந்தவர்கள் ஆவர். அவர்களுக்கு பயங்கரவாத அமைப்புகளுடன் தொடர்பு இருக்கலாம் என காவல் துறையினர் கருதுகின்றனர்.
இதுகுறித்து பேசிய துணை காவல் ஆணையர் (சிறப்பு செல்) பிரமோத் சிங் குஷ்வா, "துப்பாக்கிச் சூடு சம்பவத்திற்கு பிறகு, 5 நபர்களை கைது செய்துள்ளோம். மேலும், அவர்களிடமிருந்து பயங்கர ஆயுதங்கள் பறிமுதல் செய்யப்பட்டுள்ளன. சிலருக்கு பயங்கரவாத அமைப்புடன் தொடர்பு இருக்க வாய்ப்புள்ளதால், விசாரணை மேற்கொண்டு வருகிறோம்" என்றார்.
இதையும் படிங்க: இடுக்கியில் தோட்டத் தொழிலாளிகள் இருவர் வெட்டிக்கொலை
