எட்டு மணி நேர வேலை உரிமையை அமல்படுத்தக்கோரி 1936ஆம் ஆண்டு ஜூலை 30 போராட்டம் நடத்திய புதுச்சேரி சுதேசி பஞ்சாலை தொழிலாளர்களின் 12 தொழிலாளர்களை பிரெஞ்சு ராணுவம் சுட்டுக்கொன்றது.
இதனையடுத்து மறைந்த தியாகிகளின் நினைவை போற்றும் வகையில் ஒவ்வொரு ஆண்டும் தொழிற்சங்கங்கள் சார்பில் ஜூலை 30ஆம் தேதி தியாகிகள் தினமாக கடைபிடிக்கப்பட்டு வருகிறது.
ஜூலை 30 தியாகிகள் தினம்: தொழிற்சங்கத்தினர் அஞ்சலி!
அந்த வகையில் இன்று புதுச்சேரி கடலூர் சாலையில் அமைந்துள்ள ஜூலை 30 தியாகிகள் உருவ சிலைக்கு அஞ்சலி செலுத்தும் நிகழ்ச்சி நடைபெற்றது. இதில் சிஐடியு, சிபிஎம் உள்ளிட்ட தொழிற்சங்கத்தினர் தியாகிகளுக்கு அஞ்சலி செலுத்தினர்.
