கரோனா வைரஸ் தொற்றால், இதுவரை நாடு முழுவதும் 62 ஆயிரத்துக்கும் அதிகமானோர் பாதிக்கப்பட்டுள்ளனர். முதல் நிலை பணியாளர்கள் சார்ந்த அனைத்து துறைகளும் கரோனா வைரஸ் தொற்றால் பெரிதும் பாதிக்கப்பட்டுள்ளனர். இந்நிலையில், ஏர் இந்தியா நிறுவனத்தைச் சேர்ந்த ஐந்து விமானிகளுக்கு, கரோனா வைரஸ் பாதிப்பு இருப்பது உறுதி செய்யப்பட்டுள்ளது.
கடந்த 20ஆம் தேதி, சீனாவிலிருந்து மருந்து பொருள்கள், மருத்துவ உபகரணங்கள் கொண்டுவரப்பட்ட ஏர் இந்தியா கார்கோ விமானங்களை இயக்கியுள்ளனர். தொடர்ந்து இது போன்று சீனாவிற்குச் சென்று வந்த விமானங்களை இயக்கிய விமானிகள், ஊழியர்களுக்கு கரோனா பரிசோதனை மேற்கொள்ளப்பட்டுவருகிறது.
அதன்படி, மீண்டும் விமானங்களை இயக்கவிருந்த மும்பையைச் சேர்ந்த இந்த விமானிகளுக்கு முன்னதாக சோதனை மேற்கொள்ளப்பட்டது. அந்த சோதனையில், ஐந்து பேருக்கும் கரோனா வைரஸ் தொற்று உறுதியாகியுள்ளது. கடந்த மூன்று வாரங்களாக, இவர்கள் பணியில் இல்லை என்பது குறிப்பிடத்தக்கது.
இதையும் படிங்க...முழு பேரழிவுக்கு வித்திட்ட ட்ரம்ப் - முன்னாள் அமெரிக்க அதிபர் ஒபாமா தாக்கு!
