அசாம் தேர்தல்: ஹிமந்தா பிஸ்வா சர்மா முன்னிலை

அசாமில் உள்ள 126 சட்டப்பேரவைத் தொகுதிகளுக்கான வாக்குகள் எண்ணப்பட்டு வரும்நிலையில், அம்மாநில சுகாதாரத் துறை அமைச்சர் ஹிமந்தா பிஸ்வா சர்மா 5 ஆயிரம் வாக்குகளில் முன்னிலை வகித்து வருகிறார்.

அசாமில் உள்ள 126 தொகுதிகளுக்கும் தேர்தல் நடந்து முடிந்து, வாக்குகள் எண்ணப்பட்டு வருகின்றனர்.முதற்கட்ட சுற்றுமுடிவுகளில், பாஜக கூட்டணி 74 தொகுதிகளிலும், காங்கிரஸ் கூட்டணி 43 தொகுதிகளிலும் முன்னிலை வகித்துவருகிறது.

ஜலுக்பரி தொகுதியில் போட்டியிட்ட அசாம் சுகாதாரத் துறை அமைச்சர் ஹிமந்தா பிஸ்வா சர்மா 5 ஆயிரம் வாக்குகள் முன்னிலையில் உள்ளார். அதே போல, மஜூலி தொகுதியில் போட்டியிட்ட அசாம் முதலமைச்சர் சர்பானந்தா சோனாவால் 3000க்கும் மேற்பட்ட வாக்குகளில் முன்னிலை வகித்துவருகிறார்.