புதுச்சேரியில் கடந்த 24 மணி நேரத்தில் 9 ஆயிரத்து 292 பேருக்குக் கரோனா பரிசோதனை செய்யப்பட்டது. இதில், புதுச்சேரியில், ஆயிரத்து 550 நபர்கள், காரைக்காலில் 227 நபர்கள், ஏனாமில் 123 நபர்கள், மாஹேவில் 48 நபர்கள் என மொத்தம் ஆயிரத்து 942 நபர்களுக்குக் கரோனா தொற்று உறுதி செய்யப்பட்டுள்ளது.
தற்போது 16 ஆயிரத்து 568 நபர்கள் சிகிச்சைப் பெற்று வருகின்றனர். கடந்த 24 மணிநேரத்தில் 912 பேர் கரோனாவிலிருந்து குணமடைந்து வீடு திரும்பியுள்ளனர். இதனால், மாநிலத்தில் குணமடைந்தோரின் எண்ணிக்கை 61 ஆயிரத்து 336 ஆக உயர்ந்துள்ளது.
