டெல்லி: 18-ஆவது நாடாளுமன்ற மக்களவைத் தேர்தல் முடிந்து முதல் கூட்டம் நேற்று கூடியது. பிரதமர் நரேந்திர மோடியைத் தொடர்ந்து மத்திய அமைச்சர்கள், நாடாளுமன்ற உறுப்பினர்கள் எம்பிக்களாக பதவியேற்றுக் கொண்டனர். மக்களவையின் இடைக்கால சபாநாயகரும், பாஜக எம்பியுமான பர்த்ருஹரி மகதாப் எம்பிக்களுக்கு பதவிப்பிரமாணம் செய்து வைத்தார்.
இரண்டாவது நாளான இன்று தமிழ்நாடு மற்றும் புதுச்சேரி எம்பிக்கள் 40 பேர் மற்றும் இதர எம்பிக்கள் அடுத்தடுத்து பதவியேற்றுக்கொண்டனர். முதலாவதாக பதவியேற்ற திருவள்ளூர் காங்கிரஸ் எம்பி சசிகாந்த் செந்தில், அரசியல் சாசனப் புத்தகத்துடன் வந்து தமிழில் உறுதிமொழி ஏற்றார். பின்னர் வாழ்க தமிழ், தலித்-ஆதிவாசிகள் மற்றும் சிறுபான்மையினர் மீதான தாக்குதல்களை நிறுத்துக என முழக்கமிட்டார்.
#18thLokSabha | மத்திய சென்னை மக்களவைத் தொகுதியில் வெற்றி பெற்ற தயாநிதி மாறன் நாடாளுமன்ற உறுப்பினராக தமிழில் பதவியேற்றுக்கொண்டார்@LokSabhaSectt @Dayanidhi_Maran @MIB_India @PIB_India @DDNewslive @CMOTamilnadu pic.twitter.com/mXLM0pVByj
— DD Tamil News (@DDTamilNews) June 25, 2024
வேண்டாம் நீட் BAN நீட்: பின்னர் பதவியேற்ற திமுக எம்பி கலாநிதி வீராசாமி, தமிழில் உறுதிமொழி ஏற்ற பின்னர் பெரியார், அண்ணா, கலைஞர் வாழ்க, தமிழ் வாழ்க என முழக்கமிட்டார். அதனைத் தொடர்ந்து பதவியேற்ற தமிழச்சி தங்கபாண்டியன் வாழ்க தளபதி, வாழ்க தமிழ்த் திருநாடு என்றார். அதனைத் தொடர்ந்து பதவியேற்ற திமுக எம்பி தயாநிதி மாறன், வாழ்க பெரியார், வாழ்க அண்ணா, வாழ்க கலைஞர், வாழ்க முத்துவேல் கருணாநிதி ஸ்டாலின், வாழ்க உதயநிதி ஸ்டாலின், "வேண்டாம் நீட்! BAN நீட்" என ஆவேசத்துடன் முழக்கமிட்டார்.
#18thLokSabha | தமிழ்நாட்டின் கிரூஷ்ணகிரி மக்களவைத் தொகுதியில் வெற்றி பெற்ற கொ. கோபிநாத் நாடாளுமன்ற உறுப்பினராக தமது தாய்மொழியான தெலுங்கில் பதவியேற்றுக்கொண்டார்@LokSabhaSectt @MIB_India @PIB_India @DDNewslive @CMOTamilnadu pic.twitter.com/8yRXdFB1Jw
— DD Tamil News (@DDTamilNews) June 25, 2024
தெலுங்கில் பதவியேற்ற தமிழக எம்பி: கிருஷ்ணகிரி நாடாளுமன்றத் தொகுதி எம்பி கோபிநாத் தனது தாய் மொழியான தெலுங்கில் பதவியேற்றுக்கொண்டார். பதவியேற்ற பிறகு நன்றி வணக்கம்! ஜெய் தமிழ்நாடு என தமிழில் முழக்கமிட்டார்.
#18thLokSabha | தமிழ்நாட்டின் மயிலாடுதுறை மக்களவைத் தொகுதியில் வெற்றி பெற்ற சுதா .ரா நாடாளுமன்ற உறுப்பினராக பதவியேற்றுக்கொண்டார்@LokSabhaSectt @AdvtSudha @MIB_India @PIB_India @DDNewslive @DGDDNews @CMOTamilnadu pic.twitter.com/BG5hVyAbDg
— DD Tamil News (@DDTamilNews) June 25, 2024
மக்களவையில் ஒலித்த தமிழக அமைச்சர் பெயர்: திருவண்ணாமலை எம்.பி., சி.என்.அண்ணாதுரை தமிழில் பதவியேற்றார். அதனைத் தொடர்ந்து வாழ்க தமிழ்! கருணாநிதி, ஸ்டாலின், உதயநிதி வாழ்க என்றதோடு, பொதுப்பணித்துறை அமைச்சர் (எ.வ.வேலு) வாழ்க என முழக்கமிட்டார். அதேபோல் ஆரணி எம்பி தரணிவேந்தனும் தான் பதவியேற்ற பிறகு கருணாநிதி, ஸ்டாலின், உதயநிதி, நெடுஞ்சாலைத்துறை அமைச்சர் எ.வ.வேலு வாழ்க எனக் கூறினார்.
#18thLokSabha | தமிழ்நாட்டின் சிதம்பரம் மக்களவைத் தொகுதியில் வெற்றி பெற்ற வி.சி.க தலைவர் தொல். திருமாவளவன் நாடாளுமன்ற உறுப்பினராக தமிழில் பதவியேற்றுக்கொண்டார்@LokSabhaSectt @thirumaofficial @MIB_India @PIB_India @DDNewslive @CMOTamilnadu pic.twitter.com/gtDOKHZmxc
— DD Tamil News (@DDTamilNews) June 25, 2024
தமிழ் கடவுள் முருகன் மீது ஆணையாக: விசிக தலைவரும் சிதம்பரம் தொகுதி எம்பியும் திருமாவளவன், தமிழில் உளமார உறுதியேற்கிறேன் எனக் கூறியதோடு ஜெய் டெமாக்கரஸி, ஜெய் கான்ஸ்டிடியூசன் என முழங்கினார். மயிலாடுதுறை தொகுதி காங்கிரஸ் எம்.பி., சுதா, தமிழ் கடவுள் முருகப் பெருமான் மீது உளமாற உறுதி கூறுகிறேன் என்றதோடு ராகுல் காந்தியை வாழ்த்தி முழக்கமிட்டு ஜோடோ ஜோடோ பாரத் ஜோடோ ஓங்கி முழங்கினார்.
இதையும் படிங்க: "அரவிந்த் கெஜ்ரிவால் ஜாமீன் மீதான தடை உறுதி"- டெல்லி உயர் நீதிமன்றம்!
