சென்னை: சுதந்திரப் போராட்ட வீரர் மாவீரன் அழகுமுத்துக்கோன் பிறந்தநாள் விழா இன்று (வியாழக்கிழமை) கொண்டாடப்பட்டது. இதையொட்டி, சென்னை எழும்பூர் ரயில் நிலையம் அருகே உள்ள அவரது உருவச்சிலை மற்றும் அங்கு வைக்கப்பட்டுள்ள அவரது திருவுருவப்படத்திற்கு, தமிழக காங்கிரஸ் கமிட்டி தலைவர் செல்வப்பெருந்தகை மாலை அணிவித்து மலர் தூவி மரியாதை செலுத்தினார்.
பின்னர் செய்தியாளர்களைச் சந்தித்து செல்வப்பெருந்தகை கூறியதாவது, “வீரர் அழகுமுத்துக்கோன் வரலாற்றை யாரும் மறைக்க முடியாது. சுதந்திரப் போராட்ட வீரர்கள், போராட்ட தலைவர்கள் மற்றும் தியாகிகளின் வரலாற்றை மறைப்பதற்கும், மறுப்பதற்கும் ஒரு கூட்டம் உள்ளது. வீரர் அழகுமுத்துக்கோன் புகழை மறைக்க ஒரு கூட்டம் முயற்சி செய்து வருகிறது. அதனை ராகுல் காந்தி முறியடிப்பார். இந்த மண்ணில் மனிதர்கள் உள்ளவரை அழகுமுத்துக்கோன் வரலாற்றை மறைக்க முடியாது” இவ்வாறு அவர் கூறினார்.
விடுதலை போராட்ட வீரர் மாவீரன் அழகுமுத்துக்கோன் அவர்களின் பிறந்தநாளை முன்னிட்டு எழும்பூரில் அமைந்துள்ள அவரது திருவுருவச் சிலைக்கு இன்று (11.07.2027) மாலை அணிவித்து மலர்தூவி மரியாதை செலுத்தினேன்.
— Selvaperunthagai K (@SPK_TNCC) July 11, 2024
இந்நிகழ்வில் தமிழ்நாடு காங்கிரஸ் கமிட்டி துணை தலைவர்கள் திரு நாசே ராமசந்திரன், திரு… pic.twitter.com/BGUOtVBSsx
அதனைத் தொடர்ந்து, சுதந்திரப் போராட்ட வீரர் மாவீரன் அழகு முத்துக்கோன் திருவுருவச்சிலை மற்றும் திருவுருவப்படத்திற்கு தேமுதிக பொதுச் செயலாளர் பிரேமலதா விஜயகாந்த் மாலை அணிவித்து மலர் தூவி மரியாதை செலுத்தினார். பின்னர் செய்தியாளர்களைச் சந்தித்த பிரேமலதா விஜயகாந்த் பேசியதாவது, “சுந்தரப் போராட்ட வீரர் அழகுமுத்துக்கோனின் பிறந்தநாள் தமிழக அரசுக்கும், தமிழக மக்களுக்கும் மிக முக்கியமான நாள். அவரது சிலைக்கு மாலை அணிவித்து மரியாதை செய்ததில் மகிழ்ச்சி. சுதந்திரப் போராட்டத்திற்கு அரும்பாடுபட்ட முதல் மனிதர் தமிழகத்தைச் சேர்ந்தவர்” என்றார்.
இதையும் படிங்க: சிதம்பரம் நடராஜர் கோயில் ஆனித்திருமஞ்சன தேரோட்டம் கோலாகலம்..திரளான பக்தர்கள் தரிசனம்! - Chidambaram Nataraja Temple
