சென்னை: உயர் கல்வித்துறையின் கீழ் வரும் அரசு மற்றும் அரசு உதவிப் பெறும் கலை மற்றும் அறிவியல் கல்லூரிகளின் நிர்வாக செயல்பாடுகள் உள்பட அனைத்தையும் கல்லூரி கல்வி இயக்ககம் கண்காணித்து வருகிறது. மேலும் தனியார் கலை மற்றும் அறிவியல் கல்லூரிகளும் கல்லூரிக் கல்வி இயக்ககத்தின் கட்டுப்பாட்டில் செயல்பட்டு வருகிறது.
இந்த நிலையில், கல்லூரி கல்வி இயக்குனராக திருவாரூரில் உள்ள திரு.வி.க.அரசு கலைக் கல்லூரி முதல்வர் கீதாவை முழு கூடுதல் பொறுப்பாக நியமித்து உயர் கல்வித்துறை நியமனம் செய்தது. இதனைத்தொடர்ந்து அவர் செயல்பட்டு வந்தார். முதல்முறையாக அரசு கலை மற்றும் அறிவியல் மாணவர்கள் சேர்க்கையை முறைப்படுத்தினார். இதையடுத்து அனைத்து சேர்க்கையும் கல்லூரிக் கல்வி இயக்குனரகத்தின் இணையதளம் மூலம் நடைபெற்றது.
இந்த நிலையில், தலைமைச் செயலாளர் சிவ்தாஸ் மீனா 12 ஐஏஎஸ் அதிகாரிகளை பணியிடமாற்றம் செய்து ஜன.27ஆம் தேதி உத்தரவிட்டிருந்தார். இதனடிப்படையில், அவர் வெளியிட்ட அரசாணையில், சேலம் மாவட்ட ஆட்சியர் கார்மேகம் கல்லூரிக்கல்வி இயக்குனராக நியமனம்' செய்யப்படுவதாக குறிப்பிடப்பட்டிருந்தது. இதனைத்தொடர்ந்து சைதாப்பேட்டையில் உள்ள கல்லூரிக்கல்வி இயக்குனரகத்தில் அதன் இயக்குனராக கார்மேகம் ஐஏஎஸ் இன்று (ஜன.29) பொறுப்பேற்றுக் கொண்டார்.
இதையும் படிங்க: பரீக்ஷா பே சர்ச்சா 2024: பள்ளி மாணவர்களுக்கு ஆலோசனை வழங்கும் பிரதமர் மோடி!
