சென்னை: அதிமுகவின் 53ஆம் ஆண்டு நிறுவன தினத்தை முன்னிட்டு சென்னை ராயப்பேட்டை அதிமுக தலைமையகத்தில் உள்ள முன்னாள் முதலமைச்சர்கள் எம்ஜிஆர், ஜெயலலிதா ஆகியோரது சிலைகளுக்கு அக்கட்சியின் பொதுச் செயலாளரும், சட்டமன்ற எதிர்க்கட்சித் தலைவருமான எடப்பாடி கே பழனிச்சாமி மாலை அணிவித்து மரியாதை செலுத்தினார். இதையடுத்து செய்தியாளர்களை சந்தித்த அவர் கூறுகையில், “தமிழக வரலாற்றில் ஐந்து முறை ஆட்சி செய்த ஒரே இயக்கம் அதிமுக. ஏழை எளிய மக்களுக்கு எண்ணற்ற திட்டங்களை நடைமுறைப்படுத்திய ஒரே இயக்கம் அதிமுக.
பொய்யான தகவலை திமுக பரப்புகிறது: வங்கக் கடலில் குறைந்த காற்றழுத்த தாழ்வு நிலை உருவாகியது. சென்னை உள்ளிட்ட பல்வேறு மாவட்டங்களுக்கு ரெட் அலெர்ட் கொடுக்கப்பட்டது. பின்னர் விளக்கிக் கொள்ளப்பட்டாலும், ஒரு நாளில் பெய்த மழைப்பொழிவை சமாளிக்க ஸ்டாலின் அரசு எவ்வித முன்னெச்சரிக்கை நடவடிக்கைகளையும் எடுக்கவில்லை. தமிழக முதலமைச்சரும், துணை முதலமைச்சரும் சென்னையில் மழை நீரே தேங்க வில்லை என பொய்யான தகவல்களை பரப்புகின்றனர்.
திமுக மூத்த அமைச்சர்கள் இருக்கும்போது முதலமைச்சரின் மகன் என்ற ஒரே காரணத்திற்காக உதயநிதி ஸ்டாலினை முன்னிலைப்படுத்துவதால் மழை வெள்ள நிவாரண பணிகளில் தொய்வு ஏற்படுகிறது. pic.twitter.com/oZnRRe0N6V
— AIADMK IT WING - Say No To Drugs & DMK (@AIADMKITWINGOFL) October 17, 2024
மழைநீர் வடிகால் பணிகள் என்னாச்சு? சென்னையில் மேற்கொள்ளப்பட்ட மழை நீர் வடிகால் பணிகள் 99 விழுக்காடு முடிந்து விட்டதாக தமிழக முதலமைச்சரும், துறை சார்ந்த அமைச்சர்களும், மேயரும் முன்னுக்குப்பின் முரணான தகவல்களை அளித்துள்ளது மக்கள் மழை நீரில் தத்தளிப்பதை வைத்து அதனை உறுதி செய்ய முடியும்.
இதையும் படிங்க: சவுக்கு சங்கர் ஜாமீன் நிபந்தனையை தளர்த்தக் கோரிய மனு.. மதுரை அமர்வு முக்கிய உத்தரவு!
திருப்புகழ் கமிட்டி பரிந்துரை: சென்னை மாநகரில் மழை நீர் தேங்காமல் இருக்க என்னென்ன நடவடிக்கைகள் எடுக்க வேண்டும் என்பது குறித்து திருப்புகழ் கமிட்டி பரிந்துரை செய்தது. ஆனால் அதை ஸ்டாலின் அரசு நடைமுறைப்படுத்தியதா என்பது பற்றிய முறையான வெள்ளை அறிக்கை திமுக வெளியிட வேண்டும்.
திருப்புகழ் கமிட்டி குறித்து வெள்ளை அறிக்கை கேட்டால் துணை முதலமைச்சர் முதிர்ச்சி இல்லாமல் பதில் அளிக்கிறார். pic.twitter.com/WO6y0LuVvh
— AIADMK IT WING - Say No To Drugs & DMK (@AIADMKITWINGOFL) October 17, 2024
அதிமுக ஆட்சி காலத்தில் ஒவ்வொரு துறைக்கும் ஒரு அமைச்சர் பொறுப்பாக எடுத்து பணிகளை மேற்கொண்டோம். அடையாறு, கூவம் ஆற்றங்கரை ஓரத்தில் உள்ள மக்களை அப்புறப்படுத்தியதோடு மட்டுமல்லாமல், கால்வாய்கள் முறையாக தூர்வாரப்பட்டு பருவமழை காலத்துக்கு முன்பாக தயார் நிலையில் வைக்கப்பட்டிருந்தோம்.
மழைநீர் வடிக்கால் திட்டம் இன்னும் முழுமை பெறவில்லை: ஸ்டாலின் அரசு பொறுப்பேற்ற ஆண்டு முதல் மழை நீர் வடிக்கால் அமைப்பது குறித்து முன்னுக்குப்பின் முரணான தகவல்களையே தெரிவித்து வருகின்றனர். அதிமுக ஆட்சி காலத்தில் 2400 கிலோமீட்டர் தூரத்துக்கு வாடிக்கால் அமைக்க திட்டமிட்ட நிலையில், ஆட்சிக்கு வந்து மூன்று ஆண்டில் சுமார் 800 கிலோ மீட்டர் தூரம் வரையில் மட்டுமே வடிகால்வாய் பணிகளை திமுக செய்துள்ளது. அதுவும் முழுமை பெறாத நிலையில் தொடர்ந்து மற்ற மழைநீர் வடிகால் பணிகளை எப்படி மேற்கொள்ள முடியும்.
திமுகவினர் சாக்குபோக்கு சொல்கிறார்களே தவிர, மழைநீர் வடிகால் கால்வாய் பணிகளை துரிதமாக செய்யவில்லை pic.twitter.com/SGpg9FaR0p
— AIADMK IT WING - Say No To Drugs & DMK (@AIADMKITWINGOFL) October 17, 2024
அதிமுகவில் நீக்கப்பட்டவர்கள் நீக்கப்பட்டவர்கள் தான்: அதிமுக என்றுமே ஒன்றாகவே இருக்கிறது. ஒன்றாக இருப்பதால்தான் தற்போது அதிமுக தலைமையகத்தில் பல்வேறு நிகழ்ச்சிகளை நடத்த முடிகிறது. அதிமுகவின் பொதுக்குழு உறுப்பினர்களால் நீக்கப்பட்டவர்கள் நீக்கப்பட்டவர்கள் தான்.
சென்னையை அடுத்த முட்டுக்காடில் திமுகவினர் வாங்கி குவித்துள்ள நிலங்களின் மதிப்பை உயர்த்தவே, முட்டுக்காடு அருகே சுமார் 587 கோடி ரூபாயில் கலைஞர் பன்னாட்டு மையம் அமைக்க ஸ்டாலின் அரசு திட்டமிட்டு வருகிறது. சென்னை வர்த்தக மையம் அருகே 14 ஏக்கரில் காலி நிலம் இருக்கும்போது, அந்த நிலத்தை ஏன் திமுக பயன்படுத்தவில்லை” என்றார்.
ஈடிவி பாரத் தமிழ்நாடு வாட்ஸ்ஆப் சேனலில் இணைய இங்கே க்ளிக் செய்யவும்
