நீலகிரி: உலகம் முழுவதும் நாளை (பிப்.14) காதலர் தினம் கொண்டாடப்படுகிறது. இதில், காதலர் தினத்தை வெளிப்படுத்தும் விதமாக ரோஜா முக்கியத்துவம் பெற்றுள்ளது. ரோஜா முக்கிய இடம் பெற்றாலும், சிகப்பு வண்ணங்களில் உள்ள ரோஜாக்களுக்கு விலை கூடியுள்ளது. ஒரு ரோஜா மலருக்கு ரூ.50 விற்பனை செய்யப்படுகிறது. இன்னும் விலை அதிகரிக்க வாய்ப்புள்ளது.
இதே போல, நீலகிரியில் வில்லியம், ஜெர்பரா, கார்னேஷன் கொய் மலர்களுக்கு தற்போது தேவைகள் அதிகரித்துள்ளது. கடந்த மாதம் 220 வரை விற்பனை செய்யப்பட்டு வந்த சிவப்பு, மஞ்சள் உள்ளிட்ட வில்லியம் கொய் மலர்களுக்கு 10 பூக்கள் அடங்கிய ஒரு கொத்து 240 வரை விற்பனை செய்யப்படுகிறது.
நீலகிரியில் உற்பத்தியாகும் இவ்வகை மலர்கள் திருமணம் மற்றும் பண்டிகை காலங்களில் பயன்பட்டு வந்தது. ஆனால், தற்போது காதலர் தினத்திற்கு இந்த மலர்களின் விலை உயர்ந்துள்ளது. இவ்வகை பூக்கள் தற்போது பல்வேறு வகையான பூங்கொத்துக்கள் கொடுப்பதற்கு, ஏற்றுமதி செய்யப்பட்டு வருகிறது. இவ்வகை மலர்கள் சென்னை, பெங்களூரு, கோவா உள்ளிட்ட பகுதிகளுக்குக் கொண்டு சென்று வெளிநாடுகளுக்கு ஏற்றுமதி செய்யப்படும் பணிகள் நடந்து வருகிறது.
இது குறித்து நீலகிரி, குன்னூர் பகுதியில் கொய் மலர் சாகுபடி செய்து வரும் உரிமையாளர் வாகிப் சேட் கூறுகையில், "நீலகிரி மாவட்டத்தில் ரோஜா மலர்கள் சாகுபடி செய்வது அரிதாக உள்ளது. உரை பணிக் காலங்களில் ரோஜா மலர்கள் கருகும் அபாயம் உள்ளது.
மேலும் நீலகிரி மாவட்டத்தில் பிளாஸ்டிக் பொருட்களுக்குத் தடை விதித்துள்ள நிலையில், அதிக அளவிலான பிளாஸ்டிக் மலர்கள் மார்க்கெட் பகுதிகளில் விற்பனை செய்யப்படுகிறது. இதன் காரணமாக ரோஜாக்கள் மற்றும் பூக்களின் விற்பனை குறைந்தே காணப்படுகிறது. நீலகிரி மாவட்ட நிர்வாகம் உடனடியாக பிளாஸ்டிக் மலர்கள் விற்பனை செய்பவர் மீது கடுமையான நடவடிக்கை மேற்கொள்ளப்பட வேண்டும்" எனக் கேட்டுக் கொண்டார்.
இதையும் படிங்க: "அரசு ஊழியர்கள் வேலை நிறுத்த அறிவிப்பினை கைவிட வேண்டும்" - அமைச்சர் தங்கம் தென்னரசு வலியுறுத்தல்!
