சென்னை: சென்னை பல்கலைக்கழகத்தின் 166வது பட்டமளிப்பு விழா பல்கலைக்கழக வளாகத்தில் உள்ள பவள விழா அரங்கில் நடைபெற்றது. பல்கலைக்கழக வேந்தரும், தமிழ்நாடு ஆளுநருமான ஆர்என்ரவி தலைமையில் நடைபெற்ற விழாவில் இணைவேந்தரும், உயர்கல்வித்துறை அமைச்சருமான பொன்முடி ஆகியோர் கலந்து கொண்டனர். சிறப்பு விருந்தினராக ஒன்றிய அரசின் அணுசக்தி கழகத்தின் முன்னாள் தலைவர் பத்ம விபூஷன் அணில் ககோட்கர் கலந்து கொண்டு மாணவர்களுக்கு பட்டங்களை வழங்கினார்.
பட்டம் பெற்றவர்களின் எண்ணிக்கை: சென்னை பல்கலைக்கழக பட்டமளிப்பு விழாவில் 1 லட்சத்து 7ஆயிரத்து 821 நபர்களுக்கு பட்டங்கள் வழங்கப்பட்டன. அதில், நேரடியாக 1,031 மாணவர்களுக்கு பட்டங்களை ஆளுநர் ஆர்என்ரவி வழங்கினார். இதில் பல்கலைக்கழகத்தின் அங்கீகாரம் பெற்ற கல்லூரிகளைச் சார்ந்த மாணவர்கள் 89 ஆயிரத்து 53 பேருக்கும், தொலைதூர கல்வி இயக்கத்தின் மூலம் 16,263 மாணவர்களும், பல்கலைக்கழக துறைகளில் 1,404 மாணவர்களும், முனைவர் பட்டப்படிப்பில் 70 மாணவர்கள் என மொத்தம் 1,07,821 மாணவர்கள் பட்டம் பெற்றனர்.
இந்த பட்டமளிப்பு விழாவில் ஆலங்குளம் சட்டமன்ற உறுப்பினரான மனோஜ் பாண்டியன், இந்திய அரசமைப்பு சட்ட பிரிவு 72ன் கீழ் கருணை மனு மீது குடியரசு தலைவருக்கு உள்ள அதிகாரம், பிரிவு 161ன் கீழ் ஆளுநருக்கு உள்ள அதிகாரம் குறித்த ஆய்விற்காக முனைவர் பட்டம் பெற்றார். அதேபோல ஓய்வு பெற்ற முன்னாள் டிஜிபி ஜாங்கிட் குற்றவியல் துறையில் முனைவர் பட்டம் பெற்றார்.
இதையும் படிங்க: ஆளுநர் கையெழுத்துடன் சான்றிதழா, துணைவேந்தர் நியமிக்காமல் பட்டமளிப்பு விழாவா? சென்னைப் பல்கலை பணியாளர்கள் போர்க்கொடி!
உயர்கல்வித்துறை செயலாளர் கையொப்பம்: சென்னை பல்கலைக்கழகத்துக்கு கடந்த ஓராண்டாக துணைவேந்தர் நியமிக்கப்படவில்லை. இந்நிலையில், பட்டமளிப்பு விழா துணைவேந்தர் இல்லாமல் நடைபெற்றது. பல்கலைக்கழகத்தில் துணைவேந்தர் இல்லாமல் பட்டமளிப்பு விழா நடைபெறுவது இதுவே முதல்முறை என்பது குறிப்பிடத்தக்கது. துணைவேந்தர் கையெழுத்திட வேண்டிய இடத்தில் உயர்கல்வித்துறை செயலாளர் பிரதீப் யாதவ் கையொப்பத்தோடு மாணவர்களுக்கு சான்றிதழ்கள் வழங்கப்பட்டுள்ளது.
சென்னைப் பல்கலைக்கழகத்தின் 166வது ஆண்டு பட்டமளிப்பு விழாவில், ஆளுநர்-வேந்தர் திரு. ஆர்.என். ரவி அவர்கள், 1,07,821 மாணவ, மாணவிகளுக்கு பட்டங்களை வழங்கினார். பத்ம விபூஷண் விருது பெற்றவரும் ஹோமி பாபா தேசிய நிறுவன (HBNI) வேந்தரும் தலைமை விருந்தினருமான முனைவர் அனில் ககோட்கர் அவர்கள்,… pic.twitter.com/xB9Vi5JDgS
— RAJ BHAVAN, TAMIL NADU (@rajbhavan_tn) September 24, 2024
பட்டமளிப்பு விழாவில் ஹோமி பாபா நிகர்நிலை பல்கலைக்கழக வேந்தரும், முன்னாள் இந்திய அணுசக்தி துறை தலைவருமான அணில் கக்கோட்கர் சிறப்புரையாற்றிபார். அப்போது பேஅசிஅய் அவர், “ இந்திய பொருளாதாரம் உலகளவில் ஐந்தாவது இடத்தில் உள்ளது. வரும் 10 ஆண்டிற்குள் மூன்றாவது இடத்தை எட்டும் என்று எதிர்பார்க்கப்படுகிறது. சராசரி இந்தியரின் தனிநபர் வருமானம் உலகளவில் 140 ஆக உள்ளது" இவ்வாறு அவர் தெரிவித்தார்.
