ஹைதராபாத்: ஒருவருக்கு புற்றுநோய் பாதிப்பு ஏற்படுவதற்கு முன்பே உடல் சில சமிக்ஞைகள் மூலம் எச்சரிக்கை விடுவதாக கூறுகின்றனர் மருத்துவ நிபுணர்கள். புற்றுநோய் என்ற வார்த்தையைக் கேட்டால், அனைவருக்கும் தோன்றுவது, புற்றுநோய் ஒரு உயிர்கொல்லி என்று.
ஆனால், புற்றுநோயை ஆரம்ப காலத்திலேயே கண்டறிந்து சிகிச்சை பெறுவதன் மூலம் உயிர்வாழும் விகிதம் அதிகரிக்கிறது என்கின்றனர் மருத்துவ நிபுணர்கள். இதன் காரணமாகவே உடலில் ஏதேனும் மாற்றங்கள் ஏற்பட்டால் உடனே மருத்துவ ஆலோசனை பெற வேண்டும் என பரிந்துரைக்கப்படுகிறது. இந்த வரிசையில் உணவு உட்கொள்ளும் போது இந்த 5 அறிகுறிகளைக் எதிர்கொண்டால், புற்றுநோய் தீவிரமடைவதற்கு முன்பே குணப்படுத்தலாம் என்கின்றனர்.
உணவை விழுங்குவதில் சிரமம்: உணவை உட்கொள்ளும் போது சிலருக்கு வலி, தொண்டையில் இறுக்கம் போன்ற அசெளகரிய உணர்வுகள் ஏற்படுகிறது. இவை அனைத்தும் புற்றுநோயிற்கான அறிகுறிகள் என அமெரிக்காவின் புற்றுநோய் சங்கத்தின் (American Cancer Society) ஆய்வின் மூலம் தெரியவந்துள்ளது. இந்த அறிகுறிகளை எதிர்கொண்டால் தலை, கழுத்து, தாடை பகுதிகளில் புற்றுநோய் கட்டிகள் உருவாகும் அபாயம் உள்ளதாக ஆய்வில் கண்டுபிடிக்கப்பட்டுள்ளது.
நெஞ்செரிச்சல்: நெஞ்செரிச்சல் ஏற்படுவது பொதுவானதாக இருந்தாலும் மார்பு, வயிறு பகுதிகளில் எரிச்சல் மற்றும் வீக்கம் போன்ற பிரச்சனைகளை சந்தித்தால் உடனடியாக மருத்துவரை அணுக பரிந்துரைக்கப்படுகிறது. ஏனெனில், இவை அனைத்தும் உணவுக்குழாய் புற்றுநோய்க்கு வழிவகுக்கிறது.
விரைவில் வயிறு நிரம்பியதாக உணர்வது: புற்றுநோயின் மற்றொரு அறிகுறி விரைவில் வயிறு நிரம்புவதாக உணர்வது. சிறிதளவு உணவை உட்கொண்ட பின்னர்,சிலர் வயிறு நிரம்பிவிட்டதாக கூறுவார்கள். இப்படியான நேரங்களில் மருத்துவர்கள் ஆலோசனைகளை பெற வேண்டும்.
வாந்தி மற்றும் குமட்டல்: பலர், சில நேரங்களில் வாந்தி மற்றும் குமட்டல் போன்றவற்றை எதிர்கொள்வார்கள். இது ஃபுட்- பாய்சன் மற்றும் இரைப்பை பிரச்சனை காரணமாக ஏற்படுவதாக பலர் நினைத்து கொண்டிருக்கலாம். ஆனால், இந்த அறிகுறிகள் வயிற்றுப் புற்றுநோய் மற்றும் கணையப் புற்றுநோயிற்கான ஆரம்ப எச்சரிக்கை என கூறுகின்றனர்.
மலச்சிக்கல்: வயிற்றுப்போக்கு, மலச்சிக்கல், மலம் கழிப்பதில் பிரச்சனைகளை சந்தித்தால் உடனடியாக மருத்துவரை அணுக பரிந்துரைக்கப்படுகிறது. இவை அனைத்தும் கணைய புற்றுநோய் மற்றும் வயிற்று புற்றுநோய்க்கு வழிவகுக்கும் என்று நிபுணர்கள் எச்சரிக்கின்றனர்.
பொறுப்புத் துறப்பு: இங்கு, உங்களுக்கு வழங்கப்படும் அனைத்து தகவல்களும், பரிந்துரைகளும் உங்கள் புரிதலுக்காக மட்டுமே. அறிவியல் ஆராய்ச்சி, ஆய்வுகள், மருத்துவம் மற்றும் சுகாதார நிபுணத்துவ ஆலோசனைகளின் அடிப்படையில் இந்தத் தகவலை நாங்கள் வழங்குகிறோம். இவற்றைப் பின்பற்றும் முன் உங்கள் தனிப்பட்ட மருத்துவரின் ஆலோசனையைப் பெறுவது நல்லது என்பதை குறிப்பிடுகிறோம்.
