சென்னை: சமூக வலைத்தளங்கள் மூலம் பிரபலமானவர், காத்து கருப்பு கலை. இவர் தற்போது 'ரத்த பூமி' என்ற படத்தில் நாயகனாக நடிக்கிறார். இந்த படத்தின் பூஜை சமீபத்தில் நடந்துள்ளது. அந்த பூஜையின்போது, இப்படத்தின் இயக்குநர் காத்து கருப்பு கலை, தான் அடுத்த விஜய் என்று பேசியிருக்கிறார். இந்த விஷயம் தற்போது சமூக வலைத்தளங்களில் பரவியுள்ளது. பலரும் இந்த வீடியோவை பகிர்ந்து கிண்டல் செய்து வருகின்றனர்.
அப்படத்தின் இயக்குநர் பேசும்போது, “அடுத்த தளபதி இவர்தான். ஆக்ஷன் ஹீரோவாக வரக்கூடிய எல்லா தகுதியும் இவருக்குத் தான் இருக்கிறது” என்று பேசியிருக்கிறார். இந்த நிலையில், இயக்குநர் வெங்கட் பிரபு இந்த வீடியோவை பகிர்ந்து, ‘நமக்கு பயங்கர போட்டி கொடுப்பாங்க போலயே’ என்று இயக்குநர் சிஎஸ் அமுதனை டேக் செய்துள்ளார்.
இதற்கு சிஎஸ் அமுதன், ‘நமது இடத்தை ஒருபோதும் சாதாரணமாக எடுத்துக் கொள்ளக் கூடாது. அழைத்துக் கொண்டே இருந்தால் தான் இவர்களுடன் களத்தில் இருக்க முடியும்’ என்று பதில் அளித்துள்ளார். இயக்குநர் சிஎஸ் அமுதன் தமிழ்படம் 1, 2 மூலம் ஸ்கூப் வகை படங்களை இயக்கி புகழ் பெற்றவர். காத்து கருப்பு கலை நடிக்கும் இந்த படமும், இது போன்ற படமாக இருக்குமோ என்ற எண்ணத்தில் இயக்குநர் வெங்கட் பிரபு, சிஎஸ் அமுதனை டேக் செய்துள்ளார்.
இயக்குநர் வெங்கட் பிரபு தற்போது நடிகர் விஜய் நடிக்கும் கோட் படத்தை இயக்கி வருகிறார். இப்படத்திற்கு யுவன் சங்கர் ராஜா இசை அமைக்கிறார் என்பது குறிப்பிடத்தக்கது.
இதையும் படிங்க: "திமுகவிற்கு பிரச்சாரம் செய்ய கமல்ஹாசன் போன்றோர்களின் முகம் தேவைப்படுகிறது" - குஷ்பு பேச்சு!
