’வேட்டையன்’ வசூல் சாதனையை முறியடித்த ’அமரன்’... பாக்ஸ் ஆபிஸில் சம்பவம் செய்யும் சிவகார்த்திகேயன்!

Amaran collections: சிவகார்த்திகேயன், சாய் பல்லவி நடிப்பில் வெளியாகி பாராட்டை பெற்று வரும் அமரன் திரைப்படம், உலக அளவில் 200 கோடிக்கு மேல் வசூல் செய்து சாதனை படைத்துள்ளது.

சென்னை: ’அமரன்’ திரைப்படம் உலக அளவில் 200 கோடிக்கு மேல் வசூல் செய்து சாதனை படைத்துள்ளது. ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி உள்ளிட்ட பலர் நடித்த ’அமரன்’ திரைப்படம் கடந்த அக்டோபர் 31ஆம் தேதி தீபாவளி பண்டிகைக்கு வெளியானது.

மறைந்த ராணுவ வீரர் மேஜர் முகுந்த் வரதராஜனின் வாழ்க்கை வரலாற்றை தழுவி உருவாக்கப்பட்ட அமரன் திரைப்படம் நல்ல விமர்சனங்களை பெற்றது. இப்படத்தில் ’வெண்ணிலவு சாரல்’ உள்ளிட்ட பல பாடல்கள் ரசிகர்களின் பிளே லிஸ்டில் வலம் வருகிறது. மேஜர் முகுந்தாக நடித்த சிவகார்த்திகேயன், முகுந்தின் மனைவியாக நடித்த சாய் பல்லவி ஆகியோரின் கதாபாத்திரம் பெரும் பாராட்டுக்களை பெற்றது.

From Battle Field to Box Office!#Amaran Hits 200 crores theatrical gross in 10 days #StrongerTogether#AmaranMajorSuccess #MajorMukundVaradarajan #KamalHaasan #Sivakarthikeyan #SaiPallavi #RajkumarPeriasamy

A Film By @Rajkumar_KP@ikamalhaasan @Siva_Kartikeyan #Mahendran… pic.twitter.com/dWC2oUhJnt

— Raaj Kamal Films International (@RKFI) November 9, 2024

திரை பிரபலங்கள் முதல் அரசியல் தலைவர்கள் வரை பலர் அமரன் திரைப்படத்திற்கு பாராட்டு தெரிவித்து வருகின்றனர். மேலும் சிவகார்த்திகேயன் படங்களில் இதுவரை இல்லாத அளவு வசூல் செய்து சாதனை படைத்துள்ளது. தமிழ்நாட்டில் மட்டுமின்றி ஆந்திரா, தெலுங்கானா, கேரளா ஆகிய மாநிலங்களிலும் மாபெரும் வரவேற்பைப் பெற்று வருகிறது. பிரபல சினிமா வர்த்தக இணையதளம் சாக்னில்க் வெளியிட்டுள்ள தகவலின் படி அமரன் இதுவரை இந்திய அளவில் 154.51 கோடி வசூல் செய்துள்ளது.

மேலும் உலக அளவில் 216.4 கோடி வசூல் செய்துள்ளது. கடந்த சனிக்கிழமையன்று இந்திய அளவில் 14.5 கோடி வசூல் செய்துள்ளது. அதில் தமிழ் மொழியில் 11.35 கோடி, தெலுங்கில் 2.9 கோடியும் வசூல் செய்துள்ளது. அமரன் திரைப்படத்தில் இஸ்லாமியர்கள் தவறான முறையில் சித்தரிக்கப்பட்டுள்ளதாக எதிர்ப்பு கிளம்பிய நிலையில், பாக்ஸ் ஆபிஸில் வசூல் சாதனை படைத்துள்ளது.

இதையும் படிங்க: "இனி உலக நாயகன் என்று அழைக்க வேண்டாம்" - கமல்ஹாசன் அறிக்கையால் ரசிகர்கள் அதிர்ச்சி!

தமிழ் சினிமாவில் ரஜினிகாந்த், கமல்ஹாசன், விஜய் ஆகியோர் படங்கள் தமிழ்நாட்டில் மட்டும் 200 கோடிக்கு மேல் வசூல் செய்துள்ளது. அந்த வரிசையில் சிவகார்த்திகேயனின் அமரன் திரைப்படமும் இணையும் என எதிர்பார்க்கப்படுகிறது. அதுமட்டுமின்றி ரஜினிகாந்த் நடித்த வேட்டையன் திரைப்படம் இந்திய அளவில் 146.81 கோடி வசூல் செய்தது. இந்த வசூல் சாதனையை அமரன் திரைப்படம் வெளியாகி 12 நாட்களில் முறியடித்துள்ளது குறிப்பிடத்தக்கது.

ஈடிவி பாரத் வாட்ஸ்அப் சேனலில் இணைய இங்கே கிளிக் செய்யவும்