சென்னை: தெலுங்கு சினிமாவின் முன்னணி இயக்குனரான கொரட்டல சிவா இயக்கத்தில் ஜூனியர் என்டிஆர், ஜான்வி கபூர் நடித்துள்ள படம் தேவரா. இப்படம் இம்மாதம் 27ஆம் தேதி திரையரங்குகளில் வெளியாகிறது. இதன் புரொமோஷன் நிகழ்ச்சி இன்று சென்னையில் உள்ள நட்சத்திர ஓட்டலில் நடைபெற்றது.
இதில் ஜூனியர் என்டிஆர், ஜான்வி, இயக்குனர் கொரட்டல சிவா, இசை அமைப்பாளர் அனிருத் உள்ளிட்டோர் கலந்து கொண்டனர்.
இதையடுத்து செய்தியாளர்களை சந்தித்த நடிகர் ஜூனியர் என்டிஆர், “சென்னை எனக்கு எப்போதும் ஸ்பெஷலான இடம். நிறைய பேருக்கு தெரியாது, என்னுடைய குச்சிபுடி பயிற்சி இங்கதான் தொடங்கியது.
தேவரா படத்திற்கு உறுதுணையாக இருந்த அனைவருக்கும் நன்றி. நம்புங்கள் இந்த படம் உங்கள் அனைவருக்கும் ஸ்பெஷல் படமாக இருக்கும். கலையரசன் இந்த படத்தில் அற்புதமான நடிப்பை வெளிப்படுத்தி இருக்கிறார். படம் வெளியானதும் பார்ப்பீர்கள். ஜான்வி எப்போதும் போல் சிறந்த நடித்துள்ளார்.
இதையும் படிங்க: மூக்குத்தி அம்மன் 2 படத்தை இயக்குகிறார் சுந்தர்.சி!
சென்னையில் முதல்முறையாக இதை நடத்த காரணம் என்ன என்ற கேள்விக்கு, “பாகுபலி படத்திற்கு பிறகு சினிமா மொழி வாரியான பிரிவினை கலைந்து உள்ளது. நாங்கள் பல மொழிகளாக பிரிந்திருந்தாலும் சினிமாவால் இணைந்துள்ளோம். நல்ல கதைகளை மக்கள் ரசிக்கின்றனர். தெலுங்கு சினிமாவிற்கு மைல்கல்லாக இருப்பது சென்னை தான் என்றார்.
திண்டுக்கல் தலப்பாகட்டி பிரியாணி சாப்பிட வேண்டும் என்று திட்டமிட்டிருந்தேன் அது உங்களால் போய்விட்டது என்று தொகுப்பாளனியிடம் கூறினார். எப்போது நேரடி தமிழ் படத்தில் நடிப்பீர்கள் என்ற கேள்விக்கு, “எனக்கு பிடித்தமான இயக்குனர் வெற்றிமாறனிடம் கேட்கிறேன் என்னுடன் ஒரு படம் பண்ணுங்க. நேரடி தமிழ் படத்தில் நடித்து, அதை தெலுங்கில் டப் செய்ய ஆசைபடுகிறேன்.
