ஹைதராபாத்: ஏஜிஎஸ் எண்டர்டெயின்மென்ட் தயாரிப்பில் வெங்கட் பிரபு இயக்கத்தில் விஜய் நடித்துள்ள கோட் திரைப்படம் இன்று உலகம் முழுவதும் வெளியாகியுள்ளது. கிட்டதட்ட ஒரு வருடத்திற்கு பின் வெளியாகியுள்ள விஜய் படத்தை காண ரசிகர்கள் ஆவலுடன் இருந்த நிலையில், இன்று கோட் திரைப்படம் மிகுந்த எதிர்பார்ப்புக்கு மத்தியில் வெளியானது. பெரும் பொருட்செலவில் உருவாகியுள்ள கோட் படத்தை பார்க்க தூண்டும் 5 காரணங்களை இந்த செய்தித் தொகுப்பில் காணலாம்.
இரட்டை வேடத்தில் கலக்கும் விஜய்: நடிகர் விஜய் ’கோட்’ படத்தில் இரட்டை வேடத்தில் தனது வித்தியாசமான நடிப்பின் மூலம் கலக்கியுள்ளார். தந்தை, மகன் ஆகிய இரண்டு வேடங்களில் நடித்துள்ளார். அது மட்டுமின்றி மூன்றாவதாக ஒரு கதாபாத்திரத்தில் கூட விஜய் நடித்துள்ளதாக கூறப்படுகிறது. விஜய் முன்னதாக 2007இல் வெளியான அழகிய தமிழ்மகன் படத்தில் இரண்டு கதாபாத்திரங்களில் நடித்திருந்தார்.
அசரடிக்கும் ஆக்ஷன் காட்சிகள், சர்வதேச தரத்தில் கிராஃபிக்ஸ்: கோட் படத்தில் de-ageing தொழில்நுட்பம் மூலம் ஆக்ஷன் காட்சிகள் இரண்டாவது விஜய் கதாபாத்திரம் உருவாக்கப்பட்டுள்ளது. அதாவது சிறு வயது விஜய் ஆகும். ஹாலிவுட்டில் மிகவும் பிரபலமான திரைப்படங்களான அவதார் மற்றும் அவெஞ்சர்ஸ் ஆகிய படங்களுக்கு கிராஃபிக்ஸ் செய்த லோலா விஃபெக்ஸ் நிறுவனம் கோட் பட கிராஃபிக்ஸ் பணிகளை செய்துள்ளது. கோட் படத்தில் ஆடியன்ஸை ஆச்சர்யப்படுத்தும் அளவுக்கு கிராஃபிக்ஸ் மேற்கொள்ளப்பட்டுள்ளது.
எதிர்பார்ப்பை அதிகரிக்கும் சயின்ஸ் ஃபிக்ஷன் கதை: ’கோட்’ ஆக்ஷன் கலந்த சயின்ஸ் ஃபிக்ஷன் கதையாக உருவாகியுள்ளது. கதைப்படி விஜய்யின் மகன் அவருக்கு எதிராக மாறுகிறார் என கூறப்படுகிறது. இந்த ஒன்லைன் கதையில் மேலும் விறுவிறுப்பை கூட்டுகிறது.
நட்சத்திர நடிகர்கள் கேமியோ: ’கோட்’ படத்தில் உள்ள நட்சத்திர நடிகர்கள் பிரசாந்த், சினேகா, பிரபுதேவா, மீனாட்சி சவுத்ரி தவிர மேலும் பல நட்சத்திரங்கள் படத்தில் கேமியோ ரோலில் நடித்துள்ளதாக தெரிகிறது. முக்கியமாக சிவகார்த்திகேயன், த்ரிஷா ஆகியோர் நடித்துள்ளனர். மேலும் கதையில் கிரிக்கெட் விளையாடுவது போன்று தோனி வருகிறார். அதுமட்டுமின்றி படத்தில் இளையராஜாவின் ரீமிக்ஸ் செய்யப்பட்ட பாடலும் இடம்பெற்றுள்ளது
விஜய் அரசியல் பயணம்: நடிகர் விஜய் கோட் படத்தை தொடர்ந்து மேலும் எச்.வினோத் இயக்கும் ஒரு படத்தில் மட்டுமே நடிக்கவுள்ளார். அரசியல் கட்சி தொடங்கியுள்ளதால் தான் நடிக்கப் போவதில்லை என விஜய் ஏற்கனவே அறிவித்துள்ளார். இதனால் சினிமாவில் விஜயை இன்னும் இரண்டு படங்களில் மட்டுமே காண முடியும் என்பது ’கோட்’ படத்தின் எதிர்பார்ப்பிற்கு முக்கிய காரணமாகும்.
#Dhoni cameo 🔥🔥#Kanguva FL 💪💪🔥🔥#Trisha cameo#ThalaAJITH cameo 💥💥#Sivakarthikeyan cameo 🥱#goat#GOATFDFS#TheGreatestOfAllTime#ThalapathyVijay pic.twitter.com/VmYr3UOhOX
— pushparaj(🔥🔥 ) (@Pushparaaj_AA) September 5, 2024
ஈடிவி பாரத் தமிழ் வாட்ஸ்ஆப் சேனலில் இணைய இங்கே கிளிக் செய்யவும்
இதையும் படிங்க: 'கோட்' படத்தை தியேட்டரில் ரசிகர்களுடன் பார்த்து ரசித்த நடிகை த்ரிஷா! - Trisha watched GOAT movie
