சென்னை: நடிகை ரம்யா பாண்டியனுக்கு தனது காதலருடன் வரும் நவம்பர் மாதம் திருமணம் நடைபெறவுள்ளது. பிரபல நடிகர் அருண் பாண்டியன் உறவினரான ரம்யா பாண்டியன், 2015ஆம் ஆண்டில் ’டம்மி பட்டாசு’ என்ற திரைப்படம் மூலம் நடிகையாக அறிமுகமானார். அறிமுகமான திரைப்படம் எதிர்பார்த்த வெற்றியை பெறாத நிலையில், ராஜு முருகன் இயக்கத்தில் ’ஜோக்கர்’ திரைப்படத்தில் முக்கிய கதாபாத்திரத்தில் நடித்தார். இந்த திரைப்படம் நல்ல வரவேற்பை பெற்றது.
பின்னர் சமுத்திரகனிக்கு ஜோடியாக ’ஆண் தேவதை’ என்ற படத்தில் நடித்தார். நடிகையாக வரவேற்பை பெற்ற ரம்யா பாண்டியன், குக் வித் கோமாளி முதல் சீசனில் கலந்து கொண்டார். அந்த நிகழ்ச்சியில் புகழுடன், ரம்யா பாண்டியன் செய்த காமெடிகள் வரவேற்பைப் பெற்றது. பின்னர் பிக்பாஸ் 4 நிகழ்ச்சியில் போட்டியாளராக பங்கேற்று மூன்றாவது இடத்தை பிடித்தார்.
இந்நிலையில் நடிகை ரம்யா பாண்டியனுக்கு வரும் நவம்பர் 8ஆம் தேதி திருமணம் நடைபெறவுள்ளது. ரம்யா பாண்டியன், பஞ்சாப் மாநிலத்தை சேர்ந்த யோகா மாஸ்டரான லவெல் தவானை காதலித்து வந்ததாகவும், இவர்களுக்கு ரிஷிகேஷில் கங்கை நதி அருகே திருமணம் நடைபெறுகிறது. ரம்யா பாண்டியன் திருமணம் எளிய முறையில் நெருங்கிய உறவினர்கள் மத்தியில் நடைபெறும் என கூறப்படுகிறது.
இதையும் படிங்க: ஆர்னவ் போல பெண்கள் மீது வன்மத்தை கக்கிய தர்ஷா; அட்வைஸ் செய்த விஜய் சேதுபதி!
இதனைத்தொடர்ந்து வரும் நவம்பர் 15ஆம் தேதி ரம்யா பாண்டியன் திருமண வரவேற்பு சென்னையில் நடைபெறுகிறது. ரம்யா பாண்டியன் தனது காதலருடன் ரொமான்ஸ் செய்யும் வீடியோவை தனது சமூக வலைதள பக்கத்தில் வெளியிட்டுள்ளார். கடந்த ஆண்டு நடிகையும், ரம்யா பாண்டியன் தங்கையுமான கீர்த்தி பாண்டியனுக்கு நடிகர் அசோக் செல்வனுடன் திருமணம் நடைபெற்றது குறிப்பிடத்தக்கது.
ஈடிவி பாரத் வாட்ஸ்அப் சேனலில் இணைய இங்கே கிளிக் செய்யவும்
