"ஜாலியோ ஜிம்கானா எப்படி இருக்கும்?" - மடோனா செபாஸ்டியன் அப்டேட்!

'ஜாலியோ ஜிம்கானா' திரைப்படம் சிரித்து மகிழும் வகையில் கமர்ஷியல் என்டர்டெயினராக இருக்கும் என நடிகை மடோனா செபாஸ்டியன் தெரிவித்துள்ளார்.

சென்னை : மலையாளத்தில் வெளியான பிரேமம் படம் மூலம் அனைவராலும் அறியப்பட்டார் நடிகை மடோனா செபாஸ்டியன். அதன்பின், இயக்குநர் நலன் குமாரசாமி இயக்கத்தில், நடிகர் விஜய்சேதுபதி நடிப்பில் வெளிவந்த காதலும் கடந்து போகும் படத்திலும் நடிகை மடோனா செபாஸ்டியன் கதாநாயகியாக நடித்திருந்தார். இத்திரைப்படத்தில் மடோனாவின் நடிப்பி அனைவராலும் பாராட்டப்பட்டது.

சமீபத்தில், நடிகர் விஜய் நடிப்பில் வெளியான லியோ திரைப்படத்தில், விஜய்க்கு ஜோடியாக மடோனா நடித்திருந்தார். இவ்வாறு தனித்துவமான கதாபாத்திரங்களை தேர்வு செய்து, தனது நடிப்பு மூலம் தனக்கென தனி ரசிகர்கள் பட்டாளத்தை வைத்திருப்பவர் மடோனா.

இவர் தற்போது நடிகர் பிரபுதேவாவுடன் இணைந்து 'ஜாலியோ ஜிம்கானா' என்ற படத்தில் நடித்து முடித்துள்ளார். இயக்குநர் சக்தி சிதம்பரம் இயக்கும் இப்படத்தை டிரெண்ட்ஸ்இந்தியா மீடியா நிறுவனம் தயாரித்துள்ளது. அஷ்வின் விநாயகமூர்த்தி இசையமைத்துள்ள இப்படம் நவ 22ம் தேதி வெளியாக உள்ளது. அதுமட்டுமின்றி இப்படத்திலிருந்து 'போலீஸ்காரனை கட்டிக்கிட்டா' என்ற பாடலின் வீடியோ வெர்ஷன் நாளை( நவ 20) வெளியாக உள்ளது.

Today is #PoliceKaaranaKattikitta video day 🧨

Are you ready to witness the mad funky visuals?! pic.twitter.com/qooOTtfHHL

— Ashwin Vinayagamoorthy (@AshwinVinayagam) November 19, 2024

இதையும் படிங்க : நடிகர் அஜித்துக்கு நான் போட்டியா?... அருண் விஜய் கூறியது என்ன?

இப்படம் குறித்து நடிகை மடோனா செபாஸ்டியன் கூறும்போது, "இதுவரை தமிழ் சினிமாவில் நான் நடித்த கதாபாத்திரங்கள் தனித்துவமானது. ஆனால், ஒரு கமர்ஷியல் படத்தின் கதாநாயகியாக நான் நடித்திருப்பது இதுவே முதல்முறை. பல கமர்ஷியல் படங்கள் ஹீரோக்களை மட்டுமே மையப்படுத்தி இருக்கும். ஆனால், இயக்குநர் சக்தி சிதம்பரம் இந்தப் படத்தில் கதாநாயகிக்கும் முக்கியத்துவம் கொடுத்திருக்கிறார்.

எனக்கு மட்டுமல்ல அபிராமி, யாஷிகா ஆனந்த் உட்பட மற்ற அனைத்து பெண் நடிகைகளுக்கும் சிறப்பான கதாபாத்திரம் இதில் இருக்கிறது. ஜாலியோ ஜிம்கானா திரைப்படம் சிரித்து மகிழும் வகையில் கமர்ஷியல் என்டர்டெயினராக இருக்கும்.

டார்க் காமெடி, மிஸ்ட்ரி மற்றும் என்டர்டெயின்மெண்ட் என எல்லாமே இதில் உள்ளது. பிரபுதேவாவுடன் இணைந்து நடிக்கவும், அவருடன் நடனமாடவும் வாய்ப்பு கிடைக்கும் என்று நான் நினைக்கவே இல்லை. மகிழ்ச்சியான அனுபவமாக அமைந்தது" என்றார்.

ஈடிவி பாரத் தமிழ்நாடு (Credits - ETV Bharat Tamil Nadu)

ஈடிவி பாரத் வாட்ஸ்அப் சேனலில் இணைய இங்கே கிளிக் செய்யவும்