சென்னை: தமிழ் சினிமாவில் முன்னணி நடிகர்களுள் ஒருவராக வலம் வருபவர் நடிகர் சூர்யா. இவர் தற்போது சிறுத்தை சிவா இயக்கத்தில் உருவாகி வரும் கங்குவா திரைப்படத்தில் நடித்து உள்ளார். மிகப்பெரிய பட்ஜெட்டில் உருவாகி வரும் இப்படம் பல்வேறு மொழிகளில் வெளியாக உள்ளது.
இதனைத் தொடர்ந்து, நடிகர் சூர்யா தனது 2டி என்டர்டைன்மென்ட் தயாரிப்பில், கார்த்திக் சுப்புராஜ் இயக்கத்தில் தனது 44வது திரைப்படத்தில் நடிக்க உள்ளார். இப்படத்திற்கு சந்தோஷ் நாராயணன் இசை அமைக்கிறார். மேலும், படத்தில் பணியாற்றக்கூடிய தொழில்நுட்பக் கலைஞர்கள் தொடர்பான அறிவிப்பை படக்குழு சமீபத்தில் வெளியிட்டது.
இந்த நிலையில், இப்படத்தின் படப்பிடிப்பு அந்தமானில் இன்னும் இரண்டு மூன்று நாட்களில் தொடங்கவுள்ளது. அங்கு மேற்கொள்ளப்படும் செட் அமைக்கும் பணிகள் குறித்த வீடியோ சமீபத்தில் படக்குழுவால் வெளியிடப்பட்டது. இதற்காக நடிகர் சூர்யா மற்றும் படக்குழுவினர் அந்தமான் செல்ல உள்ளனர்.
இந்நிலையில், நடிகர் சூர்யா அந்தமான் செல்வதற்கு முன்பாக சென்னை காளிகாம்பாள் கோயிலில் சாமி தரிசனம் செய்துள்ளார். இது குறித்த புகைப்படங்கள் சமூக வலைத்தளங்களில் வைரலாகி வருகிறது. மேலும், சமீபத்தில் கார்த்திக் சுப்புராஜ் இயக்கத்தில் வெளியான ஜிகர்தண்டா டபுள் எக்ஸ் திரைப்படம் பொதுமக்கள் மத்தியில் நல்ல வரவேற்பைப் பெற்றது. அதேபோல், அவரது இயக்கத்தில் வெளியான ஜிகர்தண்டா, பேட்ட, மகான் உள்ளிட்ட திரைப்படங்கள் நல்ல வெற்றியைப் பெற்றது குறிப்பிடத்தக்கது.
இதையும் படிங்க: நெல்லை முதல் அயோத்தி வரை ஆன்மீக சுற்றுலா ரயில் - டிக்கெட் எவ்வளவு தெரியுமா? - IRCTC SPECIAL TRAIN
