சென்னை: நடிகர் சித்தார்த் கதாநாயகனாக நடித்துள்ள 'Miss you' படத்தின் டீசர் இன்று வெளியாகியுள்ளது. ராஜசேகர் இயக்கத்தில் சித்தார்த், ஆஷிகா ரங்கநாத் உள்ளிட்ட பலர் நடித்துள்ள திரைப்படம் ‘மிஸ் யூ’. இப்படத்திற்கு இசையமைப்பாளர் ஜிப்ரான் இசையமைத்துள்ளார். வரும் நவம்பர் 29ஆம் தேதி ’மிஸ் யூ’ திரைப்படம் திரையரங்குகளில் வெளியாகிறது.
இந்நிலையில் இப்படத்தின் டீசர் இன்று வெளியாகியுள்ளது. ரொமான்டிக் லவ் ஸ்டோரியாக மிஸ் யூ திரைப்படம் உருவாகியுள்ளது. இப்படத்தின் இயக்குநர் ராஜசேகர் முன்னதாக ஜீவா நடித்த ’களத்தில் சந்திப்போம்’ என்ற திரைப்படத்தை இயக்கியுள்ளார். அப்படம் எதிர்மறையான விமர்சனங்களை பெற்றது. நடிகர் சித்தார்த் தமிழ், தெலுங்கு, ஹிந்தி ஆகிய மொழிகளில் பல்வேறு படங்களில் முக்கிய கதாபாத்திரங்களில் நடித்துள்ளார்.
இதையும் படிங்க: 'கங்குவா' வெளியாவதில் நீடிக்கும் சிக்கல்; தியேட்டர் உரிமையாளர்கள், விநியோகஸ்தர்கள் இடையே பேச்சுவார்த்தை!
நடிகர் சித்தார்த் கடைசியாக ஷங்கர் இயக்கத்தில் கமல்ஹாசன் நடித்த ’இந்தியன் 2’ படத்தில் முக்கிய கதாபாத்திரத்தில் நடித்திருந்தார். அதே போல் அருண்குமார் இயக்கத்தில் சித்தார்த் நடித்த ’சித்தா’ திரைப்படம் மாபெரும் வெற்றி பெற்றது. இந்நிலையில் ஆக்ஷன் ரொமான்டிக் ஹீரோவாக சித்தார்த் மிஸ் யூ படத்தில் நடித்துள்ளார். நடிகர் சித்தார்த், நடிகை அதிதி திருமணம் சமீபத்தில் வெகு விமர்சையாக நடைபெற்றது.
ஈடிவி பாரத் வாட்ஸ்அப் சேனலில் இணைய இங்கே கிளிக் செய்யவும்
