சென்னை: தமிழ் சினிமாவில் புத்தம் புது முயற்சிகளை மேற்கொள்வதில் பெயர் பெற்ற நடிகரும், இயக்குநருமான பார்த்திபன், ''டீன்ஸ்' என்ற திரைப்படத்தை இயக்கியுள்ளார். 13 இளம் வயதினரை மையமாகக் கொண்டு சாகசம் நிறைந்த த்ரில்லர் கதையாக 'டீன்ஸ்' உருவாக்கப்பட்டுள்ளது. பயாஸ்கோப் டிரீம்ஸ் எல்.எல்.பி மற்றும் அகிரா புரோடக்ஷன்ஸ் தயாரித்துள்ள டீன்ஸ் படத்திற்கு இமான் இசையமைத்துள்ளார்.
இந்த படம் ஃபர்ஸ்ட் லுக் வெளியீடு முதல் பார்த்திபன் ரசிகர்களின் கவனத்தை பெற்று வருகிறார். டீன்ஸ் படத்தின் ஃபர்ஸ்ட் லுக் சென்சார் சான்றிதழுடன் தணிக்கை செய்யப்பட்டு திரையரங்குகளில் வெளியிடப்பட்டது. இதன்மூலம் உலக சினிமா வரலாற்றில் முதல்முறையாக சென்சார் சான்றிதழுடன் வெளியான ஃபர்ஸ்ட் லுக் என்ற சாதனை படைத்தது.
என் படத்திற்கு நானே வரி விலக்கு அளிக்கிறேன் | TEENZ from July 12th in Cinemas Worldwide@immancomposer @dopgavemic @k33rthana@GenauRanjith@lramachandran@AdithyarkM
— Radhakrishnan Parthiban (@rparthiepan) July 8, 2024
@Iam_Nithyashree@shreyaghoshal@Arivubeing@iYogiBabu@onlynikil@j_prabaahar@shrutihaasan@CVelnambi… pic.twitter.com/aoyFJtDVDF
இதனைதொடர்ந்து கடந்த ஏப்ரல் மாதம் இசை வெளியீட்டு விழாவின்போது, டீன்ஸ் திரைப்படம் மேலும் ஒரு உலக சாதனையை படைத்தது. சென்னையில் உள்ள பிரபல திரையரங்கில் படத்தின் இசை 4 காட்சிகளாக தொடர்ந்து வெளியிடப்பட்டு, ஒரே நாளில் ஒரே இடத்தில் அதிக இசை வெளியீட்டு நிகழ்ச்சிகள் நடத்தப்பட்ட படம் என்று உலக சாதனை சங்கத்தால் அங்கீகாரம் பெற்றது. இதனைதொடர்ந்து டீன்ஸ் திரைப்படத்தில் பணிபுரிந்த தொழில்நுட்ப கலைஞர்களால் இயக்குநர் பார்த்திபன் பல்வேறு பிரச்சனைகளை சந்தித்து வந்த நிலையில், இத்திரைப்படம் வருகின்ற ஜூலை 12ஆம் தேதி வெளியாகும் என படக்குழு அறிவித்துள்ளது.
இதனிடையே ஷங்கர் இயக்கத்தில் கமல்ஹாசன், சித்தார்த், ரகுல் ப்ரீத் சிங் உள்ளிட்ட பலர் நடித்துள்ள இந்தியன் 2 திரைப்படம் வரும் ஜூலை 12ஆம் தேதி வெளியாகவுள்ளது. இந்தியன் படத்தின் இரண்டாம் பாகம் என்பதாலும், ஷங்கர், கமல் பிரம்மாண்ட கூட்டணி என்பதாலும் இந்தியன் 2 படத்திற்கு ரசிகர்கள் மத்தியில் எதிர்பார்ப்பு எகிறியுள்ளது. இந்நிலையில் இந்தியன் 2 திரைப்படத்தோடு, டீன்ஸ் திரைப்படம் வெளியாகவுள்ளதால் இயக்குநர் பார்த்திபன் தனது திரைப்படத்தை ரசிகர்களிடம் கொண்டு சேர்க்க புதிய முயற்சியில் ஈடுபட்டுள்ளார்.
அதனடிப்படையில் மல்டிஃபிளக்ஸ் திரையரங்குகளில் ஒரு படத்தின் டிக்கெட் விலை அதிகபட்சமாக 190 ரூபாய்க்கு விற்கப்படுகிறது. இந்நிலையில் மல்டிஃபிளக்ஸ் திரையரங்குகள் உள்ளிட்ட அனைத்து திரையரங்குகளிலும் டீன்ஸ் திரைப்படத்திற்கு டிக்கெட் 100 ரூபாய்க்கு விற்கப்படும் என இயக்குநர் பார்த்திபன் தனது எக்ஸ் தளத்தில் அறிவித்துள்ளார். இயக்குநர் பார்த்திபன் முன்னதாக தானே இயக்கி, நடித்த 'இரவின் நிழல்' திரைப்படம் ஒரே ஷாட்டில் எடுக்கப்பட்டு, ரசிகர்கள் மற்றும் சினிமாத்துறையினர் மத்தியில் பாராட்டை பெற்றது குறிப்பிடத்தக்கது.
இதையும் படிங்க: கோவை கிராபிக்ஸ் மேற்பார்வையாளர் மீது பார்த்திபன் புகார்.. 'டீன்ஸ்' பட ரிலீஸுக்கு பாதிப்பா? - ACTOR PARTHIBAN
