ஹரியானா: சண்டிகர் மற்றும் பஞ்சாப் மாநிலத்தைச் சேர்ந்த 60 பேர் மதுரா மற்றும் பிருந்தாவன் கோயில்களுக்கு பேருந்து மூலம் புனித யாத்திரை சென்றுள்ளனர். கோயிலுக்கு சென்று திரும்பியபோது ஹரியானா மாநிலம் நூ மாவட்டத்தில் குண்ட்லி மனேசார் பல்வால் நெடுஞ்சாலையில் வந்து கொண்டிருந்தபோது, பேருந்து திடீரென தீப்பற்றி எரிந்துள்ளது.
இந்த விபத்தில் 8 பேர் சம்பவ இடத்திலேயே உடல் கருகி உயிரிழந்த நிலையில், 20க்கும் மேற்பட்டோர் தீக்காயங்களுடன் மருத்துவமனையில் அனுமதிக்கப்பட்டுள்ளனர். ஊள்ளூர் மக்கள் பேருந்து தீப்பற்றி எரிவதை கண்டு, பேருந்து ஓட்டுநருக்கு தகவல் தெரிவித்தும் கவனிக்காத ஓட்டுநர், பேருந்தை தொடர்ந்து ஓட்டியுள்ளார்.
பின்னர் அக்கிராமத்தை சேர்ந்த நபர் ஒருவர், பைக்கில் பேருந்தை பின்தொடர்ந்து சென்று அதனை நிறுத்தியுள்ளார். இந்த விபத்து குறித்து தகவல் அறிந்த போலீசார் மற்றும் தீயணைப்புத் துறையினர் சம்பவ இடத்திற்கு விரைந்து சென்று மீட்பு பணியில் ஈடுபட்டனர்.
இந்த விபத்து குறித்து கூறிய காவல் கண்காணிப்பாளர் நரேந்திர பிஜரானியா, “உயிரிழந்தவர்கள் இன்னும் அடையாளம் காணப்படவில்லை. இந்த விபத்து குறித்து விசாரணை நடைபெற்று வருகிறது” என்றார்.
இதையும் படிங்க: டிரக் மீது மோதிய ஏர் இந்தியா விமானம்! 180 பயணிகளின் நிலை என்ன? - Air India Flight Collides Truck
