ਧੁੰਦ ਦੀ ਚਾਦਰ 'ਚ ਲਿਪਟਿਆ ਰੂਪਨਗਰ

ਮੰਗਲਵਾਰ ਸਵੇਰ ਤੋਂ ਹੀ ਰੂਪਨਗਰ ਜ਼ਿਲ੍ਹੇ ਦੇ ਆਸ ਪਾਸ ਇਲਾਕਿਆਂ ਦੇ ਵਿੱਚ ਸੰਘਣੀ ਧੁੰਦ ਦਿਖਾਈ ਦਿੱਤੀ। ਇਸ ਧੁੰਦ ਦੇ ਨਾਲ ਜਿੱਥੇ ਤਾਪਮਾਨ ਦੇ ਵਿਚ ਭਾਰੀ ਗਿਰਾਵਟ ਦਰਜ ਕੀਤੀ ਗਈ, ਉੱਥੇ ਹੀ ਇਸ ਧੁੰਦ ਦੇ ਨਾਲ ਠੰਡ ਦਾ ਕਹਿਰ ਹੋਰ ਵੱਧ ਗਿਆ ਹੈ। ਰੋਜ਼ਾਨਾ ਆਪਣੇ ਘਰ ਤੋਂ ਕੰਮ 'ਤੇ ਜਾਣ ਵਾਲੇ ਲੋਕਾਂ ਦੀ ਜ਼ਿੰਦਗੀ ਤੇ ਇਸ ਧੁੰਦ ਦਾ ਕਾਫੀ ਅਸਰ ਦਿਖਾਈ ਦੇ ਰਿਹਾ ਹੈ। ਸੜਕ 'ਤੇ ਆਵਾਜਾਈ ਨੂੰ ਵੀ ਕਾਫ਼ੀ ਵਿਘਨ ਪਿਆ ਹੈ। ਧੁੰਦ ਕਾਰਨ ਆਵਾਜਾਈ ਜਿਥੇ ਪ੍ਰਭਾਵਿਤ ਹੋਈ ਹੈ ਉਥੇ ਹੀ ਵਾਹਨ ਚਾਲਕਾਂ ਵੱਲੋਂ ਦਿਨ ਵਿੱਚ ਹੀ ਆਪਣੀਆਂ ਵਾਹਨਾਂ ਦੇ ਲਾਈਟਾਂ ਜਗਾ ਕੇ ਰੱਖੀਆਂ ਗਈਆਂ।