ਫ਼ਾਜ਼ਿਲਕਾ: ਗੁਰਦੁਆਰਾ ਸਿੰਘ ਸਭਾ ਸਾਹਿਬ 'ਚ ਲਗਾਇਆ 'ਕੋਲਡ ਡਰਿੰਕਸ' ਦਾ ਲੰਗਰ

ਫ਼ਾਜ਼ਿਲਕਾ: ਕੋਰੋਨਾ ਵਾਇਰਸ ਦੀ ਮਹਾਂਮਾਰੀ ਦੇ ਚੱਲਦਿਆਂ ਕੁੱਝ ਸੰਸਥਾਵਾਂ ਲੰਗਰ ਤੇ ਰਾਸ਼ਨ ਵੰਡ ਰਹੀਆਂ ਹਨ। ਉਥੇ ਹੀ ਪੀਐਚਡੀ ਚੈਂਬਰ ਆਫ ਕਾਮਰਸ ਦੇ ਚੇਅਰਮੈਨ ਕਰਨ ਮਲਹੋਤਰਾ ਵੱਲੋਂ ਫ਼ਾਜਿਲਕਾ ਦੇ ਗੁਰਦੁਆਰਾ ਸਿੰਘ ਸਭਾ ਵਿੱਚ ਕੋਲਡ ਡਰਿੰਕਸ ਦਾ ਲੰਗਰ ਲਗਾਇਆ ਗਿਆ। ਜਿਸ ਵਿੱਚ ਉਨ੍ਹਾਂ ਨੇ ਗੁਰਦੁਆਰਾ ਸਿੰਘ ਸਭਾ ਵਿੱਚ ਪਹਿਲਾਂ ਅਰਦਾਸ ਕਰਵਾਈ ਫਿਰ ਲੰਗਰ ਵੰਡਣ ਦੀ ਸ਼ੁਰੂਆਤ ਕੀਤੀ। ਕਰਨ ਮਲਹੋਤਰਾ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦੀ ਸੰਸਥਾ ਵੱਲੋਂ ਕੋਕਾ-ਕੋਲਾ ਕੰਪਨੀ ਨਾਲ ਐਗਰੀਮੇਂਟ ਕਰ ਪੰਜਾਬ ਭਰ ਵਿੱਚ ਕੋਲਡ ਡਰਿੰਕਸ ਦੇ ਲੰਗਰ ਲਗਾਏ ਜਾ ਰਹੇ ਹਨ। ਜਿਸ ਵਿੱਚ ਅੱਜ ਫਾਜ਼ਿਲਕਾ ਦੇ ਗੁਰਦੁਆਰਾ ਸਿੰਘ ਸਭਾ ਸਾਹਿਬ ਵਿੱਚ ਕੋਲਡ ਡਰਿੰਕਸ ਦਾ ਲੰਗਰ ਲਗਾਇਆ ਗਿਆ ਹੈ।