ਸਿੱਧੂ 'ਇਜ਼ ਸੀਰੀਅਸਲੀ ਨੌਨਸੈਂਸ ਮੈਨ' : ਮਨੋਰੰਜਨ ਕਾਲੀਆ

ਜਲੰਧਰ : ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਤੇ ਤੰਜ ਕਸਦਿਆਂ ਬੀਜੀਪੀ ਦੇ ਸਾਬਕਾ ਮੰਤਰੀ ਮਨੋਰੰਜਨ ਕਾਲੀਆ ਨੇ ਕਿਹਾ ਕਿ "ਸਿੱਧੂ ਇਜ਼ ਸੀਰੀਅਸਲੀ ਨੌਨਸੈਂਸ ਬੰਦਾ"। ਉਨ੍ਹਾਂ ਕਿਹਾ ਕਿ ਨਵਜੋਤ ਸਿੱਧੂ ਨੂੰ ਹਾਲੇ ਇਹ ਪ੍ਰਧਾਨਗੀ ਨਵੀਂ ਨਵੀਂ ਮਿਲੀ ਹੈ ਪਰ ਜੇਕਰ ਉਨ੍ਹਾਂ ਦੇ ਪਿਛੋਕੜ ਦੀ ਗੱਲ ਕਰੀਏ ਤਾਂ ਫਿਰ ਗੱਲ ਚਾਹੇ ਉਨ੍ਹਾਂ ਦੇ ਭਾਜਪਾ ਵਿੱਚ ਹੋਣ ਵੇਲੇ ਦੀ ਹੋਵੇ ਜਾਂ ਕਾਂਗਰਸ ਵਿੱਚ ਉਨ੍ਹਾਂ ਦੇ ਮੰਤਰੀ ਹੋਣ ਦੀ। ਇਨ੍ਹਾਂ ਦੋਨਾਂ ਦੌਰਾਨ ਸਿੱਧੂ ਨੇ ਇੱਕ ਵੀ ਐਸਾ ਕੰਮ ਨਹੀਂ ਕੀਤਾ ਜੋ ਲੋਕਾਂ ਨੂੰ ਅੱਜ ਆ ਕੇ ਆਪਣੇ ਮੂੰਹੋਂ ਦੱਸ ਸਕੇ। ਉਨ੍ਹਾਂ ਕਿਹਾ ਕਿ ਜਿਸ ਤਰ੍ਹਾਂ ਅੱਜ ਸਿੱਧੂ ਨੇ ਆਪਣੇ ਵਿਧਾਇਕਾਂ ਲਈ ਸ਼ਬਦਾਵਲੀ ਦਾ ਇਸਤੇਮਾਲ ਕੀਤਾ ਹੈ ਉਸ ਤੋਂ ਏਦਾਂ ਲੱਗਦਾ ਹੈ ਕਿ ਨਵਜੋਤ ਸਿੰਘ ਸਿੱਧੂ ਦਾ ਲਾਫਟਰ ਚੈਲੇਂਜ ਹੁਣ ਇੱਥੇ ਵੀ ਸ਼ੁਰੂ ਹੋ ਰਿਹਾ ਹੈ।